قولولي إيش أسوي؟؟!!!!!!!!

انا حدخل في الموضع على طول من غير مقدمات.....
أنا مشكلتي انو زوجي مهو رومانسي وقليل الكلام أو بالأصح نااادر الكلام في الحب وأنا مررررررررررررررررة رومانسيه وكلام الحب بالنسبالي كل شي....
يعني أضربلكم مثل....لو أرسلتلو ايميل حب أو كتبتلو أبيات شعر ...لما أسئلو ها إيش رأيك يقولي حلو !.....أتخيلو بس دي الكلمه :( وأنا أكون سهرانه أفكر في أحلى كلام أكتبو...
وغير كده كتير مايجرحني بكلامو ولما أقلو إني زعلت يقولي ليه ! أنا قلت كلام عادي مايزعل !!
سرت أبين قدامو إني مو زعلانه عشان ماأضايقو من كترة زعلي...لاتقولولي إني حساسه زياده عن اللزوم....لأ ...كلامو فعلا جارح...بس لو قالو مثلا لصاحبو مارح يكون جارح,
وأنا من حبي لزوجي أحب دايما أقعد جمبه ...أحضنه... لاحظتو أحيانا يتضايق فسألتو مره ...إنت تتضايق مني لما أسوي كد ؟؟...قلي لا مو أضايق بس ماأحب تسويه كثير ..قولتلو طيب :( وأنا في نفسي مررررره أضايقت
ليش الرجال كده يحوبو البعد والتقل...عكسنا إحنا البنات !!!
وحتى لما البس لبس حلو مايقول انو حلو إن ماسئلتو....والي قاهرني مرره انو يعرف يمدح لبس البنات الي في التلفزيون.. :(
أنا مني عارفه إيش أسوي والله مررره مضايقه من دا الوضع...أحاول أبين إني مو متضايقه بس ما أقدر.. :(
أنا لسه توي دخلت ال 21 سنه ...وأتمنيت إني أعيش الحب مع زوجي...مع العلم إن زوجي أكبر مني ب 5 سنين يعني لسه شباب ماشاء الله...وعلى فكره ترى هوا طييب وأنا أحبو..الله يديم عليه ياااارب :D
وإلي أستغربله إنو يحب الشعر وقد مره كتب فيه بيتين....مني عارفه ليش هادا التناقض كيف يحب الأشياء هادي ومايحب أبدا يقول كلام وأفعال الحب !!!!!!!:44: أقصد مثل الحضن مو شي تاني :p
...أحنا متزوجين لينا سنه وشويه وأنا ولدت قريب ...قولولي الحمد لله على السلامه:D
.....بس ترى هوا مااتغير هادا طبعو من أول يوم في الزواج....وماأعتقد انو رح يتغير:44: :06:
والله مرررره متضايقه...
سامحوني لو تقلت عليكم.....بس أنا قلت أشيكلكم ....عشان تنصحوني.

...........................................تحياتي................................