قولولي الله يسعدكم ايش اسوي مع اهل زوجي

السلام عليكم ورحمة الله وبركاته
وكل عام والجميع بألف خير وصحة ياااااااااااااااااااااااااااااااااااااااااااااااااارب

انا يابنات والله في مشكلة ماعمري مريت فيها قلبت حياتي نكد بمعنى الكلمة..يمكن تعتبر بسيطة بس والله والله اني ابكي مووووووووووووووووت منها لكن الله يسامح اللي كان السبب

المشكلة يابنات تزوج اخوي واخت زوجي في نفس الشهر المهم انا قلت ابغاأسوي عزيمة لاخوي وزوجته عند في البيت المهم بااتكلم مع ام زوجي واقلها في هالاسبوعين بااسوي عزيمة لاخوي وزوجته ان شاءالله ...متى احسن وقت يناسبكم وماعندكم شي اعتبرتها زي امي اقلها كل شي وياليتني ماقلتها
المهم الا هيا قالتلي انا كمان بأسوي عزيمة لبنتي اللي هي اخت زوجي نسويها مع بعض في مكان برة في استراحة عشان مانتعب في البيت ..وانتي اعزمي ضيوفك لوحدك وانا اعزم ضيوفي

والله والله والله العظيم يابنات سالتني كم عدد معازيمك وايش نسوي واتفقنا على كل شي حسبت اللي بأعزمهم وقلتلها قالتلي شوفي يوم ونجهز صحون الحلاوة ونكمل باقي الطلبات...
عزيمة مشتركة بيني وبينك انتي بضيوفك وانا بضيوفي
المهم انا عزمت اهلي وعماتي وخالاتي وصديقاتي على اساس انها العزيمة من طرفي لزوجة اخوي ومن طرفها لبنتها

المهم اتصلت عليا اخته الكبيرة يوم العزيمة في الصبح وقالتلي صح انتي بتعزيمي الناس وتقولي عزيمة لزوجة اخوي قلتلها انا وامك اتفقنا قالتلي لا اتفاق ولاشي والعزيمة لاختي بـــــــس..
المهم انا من القهر صرت ابكي وقلت لزوجي روح عند امك واتفاهم معاها تخيلوا يابنات ايش قالتله والله سببت مشكلة مع زوووووووووووووووووووجي وخلته ايام مايكلمني
قالتله ايش عزيمة العزيمة لاختك بس ومرتك مادخلها في الموضوع انا قلتها اعزمي اللي تبغيه بس مو معناه العزيمة عزيمتها...العزيمة لبنتي وهيا فهمت غلط ولاكانها قالتلي كل مين يعزم لوحده كعزيمه مشتركة
المهم انا يابنات مع القهر ارسلت رسالة لصاحباتي وبلغتهم ان العزيمة اتأجلت وهي لا اتاجلت ولاشي بس خلااااااااااااااااااااااااص رديتهم لكن اهلي وعمااتي وخالاتي ماقدرت اردهم ...
ام زوجي اتصلت على امي قالتلها لاتتاخري عزيمة بنتي وماجابت طبعا اسم زوجة اخوي في الموضوع ..واتصلت على عماتي تقلهم لاتتاخروا على عزيمة بنتي وزوجة اخوي ولا كانها في الموضوع

وطبعا مابقي احد من بنات خالاتهم وعماتهم الا قالولهم شفتوا زوجة اخونا ايش سوت احنا نسوي عزيمة ونتكلف وهي تخليها بااسمها..
طبعا يوم العزيمة ولا وحدة من اخوات زوجي ماتبغى تكلمني وجات اخته العروسة قالتلي المفروض ماتدخلي نفسك في عزيمة امي مسويتها ليا اقلها اتفاق تقلي لا اتفاق ولاشي انتي تفهمي دايما غلط وحلفتلها قلتلها رديت صاحباتي قالتلي لاتكذبي كل اهلك شفتهم يوم العزيمةوالله حتى زوجة اخوي تقلي هي ليش تعاملني كذا يوم العزيمة مادري ايش قالتلها خلتها تنزل من فوق الكوشة
وقعدت تقول لزوجي ذا الكلام
ومن بعدها لا يكلموني باحترام وزوجي يقلي المفروض تفهمي صح مو تورطينا ...مهو راضي يقتنع ان امه غلطت يقلي امي طيبة خافت من اخواتي وغيرت كلامها

والله يابنات ماني عارفة ايش اسوي قولولي بس انا في ايش غلط ايش سوووووووووووووويت انقلبت حياااتي نكد بعد هذي الشكلة...؟.؟.