قولولي كيف اتصرف بدون ماجرح احد

بناات بادخل في الموضوع اللي قااهرني ومو مخليني اناااام

المشكله في (ام زوجي) الله يهديها ويصلحها انا الحمد الله علاقتي فيهم جداا ممتازة وينضرب فيا المثل

بس يابنات اللي يزعلني منهم انهم يضحكو قدامي ومن ورايا ...عند زوجي .. يقولو حرمتك قالت وحرمتك سوت

وينزل زوجي يهزئني انتي وانتي :35:انا انفجع اقوله انا اتكلم عادي ليه يقلبو الهرجه مششكله

اقرب شي سار ...ام زوجي الشاغلات ماايجلسو عندها لانها موسوه نظافه والحبشيات انتو ادرى مايبغو يشتغلو

وراتبهم كانه راتب سعودي المهم ومن ضمن الهرج حول الشغالات قلت لهم زوجي قال اجيبلك شغاله وانا قلت له لالالالالا

لاني مااحبهم وماحب حركاتهم اللي تررررفع الضغط هادا غير المشااكل ووراتبهم والله احنا اولى

طيب وبس كده وعدت الايام الا امس زوجي يقولي سويتيلي مشكله ليه قايله انه زوجي يبغى يجيب شغاله وانا مو راضيه:44:
الا امه اتخيلو ايش قالت تعطيني مصروف 500 ريال غصبا عنك كل شهر :mad:

بناااات والله وهما عااارفين انه بنمر بظروووووووف صعبه وعارفين نيجي نص الشهر مفلسييييييييين

ولما يطلب منهم يقولو ماعندنا وبعد اسبوع تلاقي مشترين تلاجه ب 4000 :35:

زوجي مرررررة زعل قال انا ماهمني ان شاء الله يشتروها ب 1000 ليه انا لما طلبتهم 100 ريال فقط

قالو ماعندنااا

والله زوجي حالته تقطع القلب مايبغى ينقص علينا في شي من اكل ولبس لاني انا شايفه خلاتي

ماشاء الله كلهم ع مستوى وماركات وهو شايف اولاد عمه كل واحد مدلع حرمته ووو

وغير كده زوجي مضاايق من اهله انهم مااايقدرو ظروووفه وضااغطين عليه يعني زي ماجبت لحرمتك تجيب لنا

طيب انا معاكم لاكن عن طيب خاطر مو بالغصب

يعني اقربها انا اتكلم وهادا من غباائي والحمد الله بطلت هادي العاده ....بعد ايش

قلت لهم نفسنا نشتري بلازما ورفوف من ايكيا .....بعد اسبوع راحو اشترو بلازما ورفوف من ايكيا

عليكم بالف عااافيه وانا مكانك سر

قلت نبغى نشتري تلاجه لان تلاجتنا صغيييييرة وتخرب الاكل ...مافي يومين الا راحو اشترو تلاجه ب 4000

الله يزيدكم ويزيدنا

انا صاالتي شبه فاضيه فيها طاوله طعام صغيرة واريكه وقلت حابه اشتري كنب للصاله

وبعدين لمحت انها بتشتري كنب للصاله

لاحول ولا قوة الا بالله

نرجع لموضوعنا (مصروف 500) بنات مو تقولو هادي حابه تبخل لالالا والله اني انا اقول لزوجي اعطي امك مصروف

يقولي لما الامور تتحسن وهما يعني انتو شاايفين مو مقصرين ع نفسهم

طيب حتى احنا نبغى نعيش

والله يبنات كان زوجي في بدايه زواجنا واحد شار عليه انه يعطيني مصروف واعطاني 300 ريال

ولما عرفو ماسار يعطيني :35:ليه تعطيها امك اولى

سرت ايش اسوي عشان اخد مصروف ادخل فيها جمعيه واختار يا شهر 6 او شهر 7 عشان اشتري فيها

مقااضي العيد لانه شهر 8 يدوب مقاضي رمضان وشهر 9 يدوب للعيد ومابعد العيد

والحمد الله حالتنا الماديه مستورة قمت وادينت من بابتي 2000 ريال وماقصر معايا قلت له اسددها لك

ع راتب شوال قالي مافيها مشكله ولما امس نزل مععععععععصب من امه قال خلاص من هادا الشهر اعطيها

500 :06:انتو حطو نفسكم مكاني زوجك مديوووون وواعد رجالين يعطيهم دينهم هادا الشهر

وقلت الشهر الجاي اكمل مقاضي العيد مع مقاضي رمضان وانا اخلص جمعيتي في رمضان

وقلت له قلها اعطيكي ع راتب شوال سكت وقال اشوف وانا دحين افتكرت بابتي اني اسدد له 500 كل شهر

من راتب شوال ..قلت الله يعدي راتب شوال ع خير قلت مافيه الا اعتذر من بابا او اقوله اصبر عليا:44:


شورو عليا قلت راح اخلي معاملتي معاهم رسسسسسسسسسمي ومابغى اتكلم معاهم في شي

معليش طوووولت عليكم واعذروني اذا فيه اخطاء املائيه او الكلام ع بعض لاني من جد مقهوووووة