قولولي من الصح انا والا هم ؟؟واعطوني نصايحكم

السلام عليكم ورحمة الله وبركاته

اللهم صل على محمد صلى الله عليه وسلم

اخواتي محتاجه نصايحكم :44:

بدخل بالموضوع على طول انا انسانه طيببببببببه مررررره وطيبتي اتعبتني مع اللي حولي يعني فعلا استغرب زمن غريب صار بعض الناس يحبون القاسي ويكرهون الطيب بقولكم ليش ؟؟

انا متزوجه الحمدلله واخوان زوجي 8 ماشاء الله والله مو مدح لنفسي يابنات احس اني طيبه معاهم لدرجة مقدر اقسى على احد ودااايم ارد الاساءه بالاحسان اختي متزوجه معي اخو زوجي وقويه ماشاء الله عليها وترد وتدافع وتاخذ حقها بالقوه والا بالرضا بس انا عكسها ماحب المشاكل وماحب اجرح حد لدرجة والله بعض الاحيان اعطي غيري واخلي نفسي اقول في نفسي ربي بيعوضني احسن من اللي راح

طبعي كذا وماقدرت اغيره وما اشيل على احد في قلبي يعني لو تخاصمت مع احد من سلفاتي انسى بسرعه واسامح واتحسف اني تخاصمت معاها طبعا لاسباب عاديه عند شغل او اطفال

اللي قهرني عمتي ام زوجي دايم تمدح سلفاتي القويات ومنهم اختي تقول احسن الوحده تجي قويه ولسانها طويل وانا اللي عمري مارفعت صوتي عندها واعاملها بكل طيب ولطف ماعمرها مدحتني وشكيت لزوجي قال الطيبه مالها داعي هالزمن قهرني يقول خليك قويه مثلهم ولاتسكتين على حقك واللي في راسك سويه كذا تعيشين صح
ابي اعرف كيف اصير قويه والله مقدر احسه عيب ارفع صوتي عليهم واخاصم مثل سلفاتي مقدر كيف اخلي شخصيتي قووويه ويعملون لي الف حساب مثلهم :icon33:


وكمان بنات حتى الشغل في المطبخ اكثر من يساعد عمتي انا وهم جالسين في الصاله عالكنب كل وحده بجوالها وعادي يخلون عمتي تطبخ وتشتغل انا مقدر مسكينه عجوز وتعبانه من ظهرها ومسكينه ماتكلمهم تقول اخذ اللي اقدر عليه والباقي يجلس مابقعد اشحد الحريم وانا واقفه معاها واطبخ عنها واحلف عليها ماتمسك شي

انتظركم حبيباتي ربي لايحرمكم الاجر والثواب ...