قولولي من فينا الغلطان

السلام عليكم ورحمة الله وبركاته
اخواتي انا مرررررررره مقهوره من زوجي انا حامل في الشهر السادس وطلع اللي فيني بنوته وكنت عارفه من شهوري الاولى ان اللي فيني بنت بس ما حبيت اقول لأحد المهم اول ماعرف زوجي ان اللي في بطني بنت راح ينشر الخبر وعلى طول قال اسمها طبعآ على اسم امه والله يابنات اسم امه مررررره صعب وكل اولادها ماحد سمى عليها الا الكبير بس وبما ان زوجي اصغرهم فصار طول الوقت يحلف قدامهم انه راح يسميها باسم امه وانا مو راضيه حطني قدامهم كأننا متفقين على الاسم مع العلم انهم يعرفون اني راح اسمي باسم ثاني . واليوم تكلمت معه بالكلام الحلو وبعدين فاتحته بالموضوع وقلتله امك على عيني وراسي والمحبه في القلوب مو شرط بالاسم انا حابه ادلع بناتي باسماء حلوة والاولاد عليك ماعجبه الموضوع رفع صوته علي وقال ايش الاسم اللي بتسمينه البنت قلت له لتين قال وش ذا الاسم مو راكب على اسمي لتين فهد الدوسري مايركب والاسم مايصلح دوسري قلت له صديقاتي اسماء بناتهم مثل العسل رنيم وريناد وغلا كلهم بكريات ليش انا اجي من بينهم كذا قال لي اذا بتسمين لتين والله ما انسبها لي وخلي بنتك لك تجلس بدون اب والله ما اشيلها ولا اعترف بها . انا اعرف ان قلبه ماراح يطاوعه لأنه دايمآ يبوس بطني ويقول ابيها عسل مثلك وتشبهلك .انتوا وش رايكم يا اخواتي والله ما ابي اتعب نفسي بكثرة التفكير مع اني ذقت انواع التعب والعذاب من هالحمل هذا غير معاملته لي ساعات يفصل ما احسه زوجي يضربني كأني واحد من الشباب واول مره في حياتي اجرب الضرب على يد رجال ومع ذلك متحملته واحبه واسامحه يعني بعد التعب والحمل والولادة يصير الاسم مرررره صعب ومو حلو التعب عليك والاسم علينا الله يخليكم ريحوا بالي..