قولولي وش اسوي اذا تزوج 😢

السلام عليكم ورحمه الله.. بختصر الموضوع ولا راح احكي عن كل المشاكل بس كثير مشاكلي مع زوجي وخياناته شي يشيب الراس المهم انا نفاس لي عشرين يوم اول يوم طلعت للبيت ارسلي كلام بالواتس يسم البدن وقعد كم يوم زعلان ليه ماني عارفه السبب طبعن ماتنفست ابدا وربي يابنات اني اقوم اشوف اشغال البيت ونا تعبانه نفسيا ومكتائبه بسببه ونسيت التعب الجسدي اصلا ودمعتي شوي وتنزل وجا رمضان ويتذمر علي الاكل يقول ليه ماتنوعي قلت ترا انا نفاس وتعبانه ارحمني شوي.. قبل كم يوم طالع لي بسالفه غريبه وحلفت له مرتين واقسمت له اني برائيه من الي يقوله وقال خلاص معاد لك بقلبي شي تبغين تقعدين عند عيالك اقعدي انا في موضوع زواج واذا تم انتي لك الاختيار تقعدين ولا تروحين وقلت لا بروح مالي قعده عندك وبعده رحت غرفه ثانيه نص ساعه وناداني وقعد يقول انتي ام عيالي والغاليه وانا مافرط فيك قلت وزواج قال بس قلته كذا وحلف انه مافي شي ويقول حتي لو تزوجت انتي الاوله وام العيال وراح اتغير عيالك وبكرمك بلي تبينه وقعد يراضيني بكلام حلو بعدها بيومين قلب عليه ولاهو طايق يشوفني وضعه غريب كل شوي بمزاج وانا خايفه صدق يتزوج..فوق هذا كله انا احبه وهو يحبني ويقول لو تنفصلين عني اموت قهر... طولت عليكم بس ابي احد افضفض له قولو لي وش اسو ي اذا تزوج