السلام عليكم

لو سمحتي سؤال

كل هذا الحب ليه فكيتي الملكة؟

اكيد سبب قوي يمنعك ان ترجعيله

انت مو هاينة عليكي العشرة والاحلام

ولكن قدر الله وما شاء فعل

وتاكدي من شي عن تجربة

تزوجي شخص بيحبك افضل ما تتزوجي شخص انت بتحبيه

صدقيني

وفقك الله

al-roro

والله ادري ان كل اللي تقولينه صحيح..لكني تدرين وش اللي مؤلمني أكثر شيء انه اول واحد أحبه بحياتي

ما كان أول واحد يخطبني..لكن كان أول رجال تعلقت فيه وكنت مآخذه على روحي عهد اكون مخلصة له بكل شيء

حتى بالتفكير ما كنت أحب أفكر بواحد ثاني نهائياً..ولو مجرد تفكير والله ما أفكر لأني قلت هو بيغنيني عن الكل

ويوم فكينا المكلة وخطبني الثاني وافقت عشان تمشي حياتي ولأني بعمر مناسب اني أتزوج خلاص كفاية جالسة

بس أحس اني بهذه الأيام أتحسف لأن من عمري عشرين وأنا أحسب اني ابرتبط معاه..بس والله يا أختي ان كلامك

أحسه فعلاً من قلب صادق وصدقيني انك صحيتيني على أمور كثيرة..فالحمدلله بوجود هذا الثاني ولا قعدت طول عمري

حسره على الاول..بس أيام والله غصبن عني تيجيني حالة بكاء شديدة مايعلم فيها الا رب العالمين وربي غصبن

عني وادعي ربي من كل قلبي..و الأكيد ان الخيره فيما اختاره الله لي..أشكرك من كل قلبي على تفهمك

والله يوفقك لما يحبه ويرضاه قولي آمين..

رينااااد

الحمدلله والله بعد كلامكم وردودكم حسيت اني فعلاً أفضل من السابق وصدقيني ما أحد يأثر علي بالعكس

أهلي عندهم ان الاول خلاص في طي النسيان ما يجيبون طاريه أبد..بس أنا تعبت لأنها كانت فترة طويلة بيننا

والله يا ريناااد ان وزني نزل 15 كيلو هل بتصدقيني ؟! أنا ما اختلق مشاكل من لا شيء والله ماعمري قلت لأحد

باللي فيني الا بهالمنتدى..أياااام طويلة حسيت كأن فيني نار بس الحمدلله صدقتي يمكن أخسر جميع الاطراف

ولا أستفيد شيء..بس صدقوني ان الواحد أحيانا غصبن عنه..ولأن أمور الحياة كلها كانت مرتبطة فيه بنظري

وصعبه أغيرها بعد ما تعمقت فيني..لكن أشكرك على قلبك الكبير وكلامك وتذكيرك >>> ( عسى ان تكرهوا شيء

وهو خيرا لكم ) الحمدلله على كل حال..

الله يحفظك من كل شر..ويوفقك دنيا وآخره..

شجون الحزينه

شكرا لك حبيبتي على ردك اللطيف وبإذن الله أبصلي استخارة مرارا بس أدعو لي اني أهدا من هذه الحالة..

الله يوفقك دنيا وآخره..

================

نزف الجراح

صدقيني يا أختي ان حتى الأول فيه دين لكن الثاني أكثر منه التزاماً عشان كذا قلت لكم عشان تعرفون وضعي

قبل تحكمون علي..لكن في أمور غصبن عن البني آدم..ماني عارفه وش أقولك بس والله اني اعتليت بعده..

هلاوين اختيـ آنيا
الله يشرح صدرك ويحنن قلبك على الي شاريك ومختارك من بد بنات خلق الله .. هذا يستاهل قلبك كامل ويستاهل ياخذ تفكيرك ويستحق منك اكثر من كذا

وصدقيني الاول طبيعي ياخذ حيز من تفكيرك لانه كان موجود بحياتك وحنا كابنات تتاثر مشاعرنا بسرعه وماننسى بسرعه بنفس الوقت خصوصا انه انتهى الي بينكم فالشيطان يذكرك فيه ويقهرك عليه لان الشيطان يعجبه انك تفكرين بشخص انتهى من حياتك وتنسين خطيبك الحالي يعجبه انه ينكد عليك ويزعزع لك سعادتك وراحة بالك

اخزي الشيطان وتعوذي من وساوسه وعيشي حياتك مع خطيبك لا تروح هالفتره الحلوه بطاعة الشيطان وبالهم والغم الي ما يستاهل

وصدقيني بعد الزواج بتعشقين زوجك عشق وبتحمدين ربك ان الله عوضك بالافضل والاحسن ولي بترتاحين ونتي معه وبترتاحين وهو بعيد عنك وكلك ثقه وراحه معه

وفيه شي ثاني مهم ترا احساس الام ورايها مو شي بسيط ولا سهل تاكدي من كذاااا

والله يوفقك ويسعدك ويشرح صدرك بطاعته ورضاه :26:

..

.