قولو لي شسوي

السلام عليكم


بنات موضوعي مو للفضفضه انا ما احب احد يزعل مني اليوم عمي جاء عندنا ويجلس معي ومع ابوي فقط وهو اصلا مكلم ابوي يقول ابغاك بموضوع بس ما ابغى عيالك فيه

وابوي جلس المجلس ينظره وجاء ماتوقعت جيته عشان يغثني وينكد علي ويقهرني
يوم جاء قال لابوي نادها لحالها ورحت سلمت عليه وكذا
قال لي ولابوي ان اخو طليقي كلمه يبغا يصلح بينا تخيلو يقول اخوه كلمه مو هو طليقي بنفسه شي يضحك
ابوي انفعل من عمي وقال لعمي انا وش تشوفني جالس جدار مركا وشو انا عشان تفتح معها الموضوع وانا جالس قال عمي محشوم بس ابغى اسمع باذني ردها عارف انكن انتم اللي مسكتينها وعصب ابوي من عمي ان كيف تظن فينت كذا وعمي روق ابوي وسكت ابوي قال لي هاه وش ردك
قلت له اول شي ياعمي ما ابغى الصلح ولا ابغى الرجعه قال واطفالك وانتي شايفتهم كيف .. ابوي عصب وقال وش شايفنا وش فيهم يوم عندهم هو مايدري عنهم تقل غنم ياكلون ويخمدون مايشوف وش يبون تحسب انه فيه خير لو فيه خير ما ترك اطفاله وحارب عشانهم
قلت يبه الله يطول بعمرك لاتقهر نفسك هم يحسبون كل مطلقه تعيش بتعاسه والله ياعمي ان انا وعيالي مرتاحين عند اهلي ماطلعت اصواتنا وضحكنا الا عندهم
قال لا مايصير اللي مثلك بيتها وتأمر وتنهي وجلس يعني يعطيني نصايح وانا خلاص كبدي حامت وكل اتهاماته لي ان المره تصبر حتى لو مابغاها الرجال
ليه اصبر حتى لو مابغاني اللي يضحك سألت عمي قلت عمي هو كلمك انه بيرجعني كلمك انه يبي الصلح قال لا اخوه قلت انت كيف ترضاها علي اخوه يبي يصلح قال اكيد اخوه ماجا ء يكلمني الا هو مرسله
قلت غلطان اعرفه زين مايرسل احد واخوه بادر عشان اطفالنا بس وهو مو رجل كيف يخلي اخوه يصلح عصب عمي وهاجمني اني طويلة لسان واني مسويه نفسي الفاهمه وابوي قاله اسمع يافلان احشم نفسك اخوي وعلى عيني وراسي لكن تجي تقول العيب منا لا العيب عدانا
هو تزوج الله يسهله قال عمي لا طلق قال ابوي اجل بنتي مو عايبه عشان ارجعها له ولا هي طايحه بكبدي عشان ارجعها له يوم طابت نفسه من اللي اعرس عليها حلت بعينه بنتنا الحين
قلت انا ياعمي هو لو كان يبغى اطفاله والله كان قال بعرس واذا تبغين تجلسين اجلسي الخيار لك ولا ابغاه يعدل بينا بسلامته لكن هو يبغى يطلق ويعيش مرتاح بزوجه وحده ليه ؟ ليه ماشاورني قبل يطلق قاال بعرس وتبغين تجلسين اجلسي هو ماقال كذا ياعمي


قال انتي طلبتي الطلاق قلت من ضيم وكدر طلبته
قال عمي خلاص بكره اقوله ماتبغى قلت قله ما ابغى
عمي مسوي انه بيخليني اندم واقوله لا لاتقول ياعمي
وايه بعد قايل عمي لي ان ابو طليقي كان يقول للولده اصبر على ام شوشه لين تجيك المنقوشه
والمنقوشه اللي ينتظرونها هذا هو طلقها والله العالم ليه طلقها او هي طلبت الطلاق
بس اللي اعرفه انه ماحشمني لا هو ولا اهله
وعمي اخذ بخاطره علي وحسيته تضايق مني ولا احب احد من عماني يتضايق عشان شخص مادرا عنا بالاخير طلع اخوه بيصلح مو هو .. لو هو كان ماهمني زعل عمي لكن همني زعله كيف يزعل مني ومن ابوي عشان اخو زوجي قال بصلح وطلع عمي وهو يحلف انه يطلع برا الموضوع وان جيته لبيت ابوي اهانه له وما حشمنا جيته كان يبيني اقوله ابشر عمي راضيه خل اخوه يصلح ليه انا ماني رخيصه


افكر اتصل بعمي بس ادري بسمع كلام يغثني