ريما 2010
ربي يسعدك وفيتي وكفيتي
وغاليتي تأكدي أن مايجمل البنت هو الأدب والإحترام
ومعلماتك اخواتك يريدون لك كل الخير حتى وإن قست عليك لمصلحتك
حركات العناد والتطنيش والاستهزاء والضحك بصوت عالٍ والتشبهه بالأولاد
كلها سوف تندمين عليها فيما بعد صدقيني
والنظافة وترتيب الشعر أهم شيء
اتمنى لكن التوفيق
يازين ذيك الأيام...:44:
الصفحة الأخيرة
نصيحتي لكم شدو حيلكم تراني كنتي فالتها وما أحضر الحصص وووإلخ
لكن ماندممت على ولااا شي ندمت بس إني كنت أدخل الإختباراات النهااائيه بدون ما أذاككر ودي لو ترجع لحظه الدراسه واذاكر تهي تهي
ايه صح لما كنت بثاني ثانوي كنت دايما كاششخه وقاصه قصه فيكتوريا والمريول تبعي تركواز وبلوزه مقلمه ابيض وتركواز شيال طبعا رووووعه
لما طلعت ثالث ثانوي جاني إكتئااااااب والله كنت مبهذله حالي كله من الطفششش ودي اخلص وارتاح
واللحين ندمت صار ودي ارجع ثالث عشان أكششخ طبعا مو أوفر الكشخه بالمدرسه عباره عن ترتيب بالمظهر نو ميك أب يعني شي خفيف يضيف جمال مو إنوو يبااان أوفر زي بعض البنات كأنها رايحه زواج
وأهمم شي يابناااات الريحه الحلوووه طبعا مع كرف المدرسه الله يعين
نصيحه إستخدمي مزيل عرق وإبعدي عن مزيل العرق mum لأنه يسمر الأندر آرم
وأحيانا حتى مع مزيل العرق ممكن تطلع ريحه بسيطه لأنو المفعول يبدا يروح مع طول الدوام والحركه
عشان كذا لااززم معطر الجسم ويستحسن بالتوت البري جناان وريحته خفيفه ع الأنف بخيه بخيه على الجسم مو على المريول
وأحيانا كمان مع طول الدوام ممكن يعرق بشره الرأس علشان كذا أنصحكم وبشده تستخدمون خمريه الشعر أيضا برائحه التوت البري ,,
ويابنات أحيانا مع تعرض الإستحمام الدائم خصوصا بالمويا الحاره في فصل الشتاء يسبب قشره بالشعر وهذا منظر غير محبب خصوصا لإن البعض ممكن يحسبه قمل , عشان كذا ببساطه قبل ماتتروشون بساعه أو زي ماتحبين حطي زيت زيتون على بشره الرأس وصدقوووني وداعا للقشره
أما بالنسبه للعطور يابنات المدرسه مايحتاج إنك تحطين عطر ثقيل أولا الدوام صباحي ثانيا من كثر ما تشمينه يكتم راسك
عشان كذا المريول لما تغسلينه يوميا طبعا حطي معاه معطر الملابس مثل داوني أو كمفورت ويفضل الوردي لأن ريحته ناعمه
طبعا مع مزيل العرق ومعطر الجسم وخمريه الشعر وتعطير الملابس بمنعم أتوقع يغنيكي عن إستخدام العطور الثقيله
بحيث تصير ريحتك منعشه من غير ما يتكم نفسك أو نفس اللي حولك بالعطور الثقيله والماركه وخصوصا اننا بفتره صباحيه
وأهمم شي أهمم شي أهمم شي
تعطير الفم لإن بصراحه شي مقرف لما احد يتكلم بوجهي وفي ريحه بفمه كريهه
طبعا المطلوب قبل ماتنامين تفرشين أسنانك وأول ماتصحين تفرشين أسنانك
ومع ذالك لما يتقفل الفم لفتره طويله خصوصا بالطريق للمدرسه الصبح أيضا يعطي ريحه غير محببه
عشان كذا لاززم تشترون علك بطعم القرفه لإن القرفه تدوم بالفم مو مثل غيرها وبعد الفطور أيضا علكه
طبعا ما تعلفون فيها طول اليوم لين ما تغير ريحه الفم وخلاص لإن بصراحه لما أشوف وحده مرتبه وريحتها طيبه وطول الوقت تعلك أحسه منظر غبي لإن العلك لتغيير نكهه الفم مو تسلايه !!
وأخيررا الشرابات رجااء رجااء رجااء لازم تشترون شرابات قطنيه مية بالمية وتشترونها على عدد أيام الدوام يعني مثلا خمس من السبت للأربعاء وأخر الأسبوع تغسلينهم بمعطر ملابس
لإن أبشع شي ريحه الشرابات اللي ممكن الشخص مايشمها بس تأكدووو غيركم يشمممها وتفقع راسه
ومو ضروري أكلمكم عن النظافه الشخصيه بلأماكن الحساسه لإننا مسلمين ونعرف الواجب علينا ,,
وبالنسبه لتفصيل المريول نصيحه فصلو مراييل مررتبه أكثر من إن موديلها غريب ووإلخ
لإن والله اللي مريولها مرتب ونظيفه وسوت التعلميات اللي فوق تحسون الناس ودها تكون صديقتهم
غير عن اللي موديلها ضيييييق وأهم شي عندها مظهرها وتحبس نفسها بالمريول وماتصدق تخلسه شكلها يجيب الغثى ودي أقولها إرحمي نفسك
حلو المريول يكون مو واسع ولا ضيق لإن هذا دوام كامل ليه تحشرين نفسك فيه عشان المظهر ! أبشرك مظهرك بيكون ينرحم وطبعا أكلمكم عن تجربه لي في سنه من السنوات ضيقته وجسمي حلو واللحين سمنت شويات وندمت صراحه مررررره ولاتفصلونه طوويل ولا قصير الهبه اللي الحين والله كأن القماش خلص ,,
ولزززوم تلبسون فيزون أو ليقنز زي ماتسمونه المهم يكون ع الركبه أو تحتها شوي ويكون قططني أولا عشان مع الصيف فخوذك تتلامس مع بعضها إذا مشيتي ويسود المنطقه وتضطرون بعد التخرج تسنترون في قسم البشره ثانيا اذا طحتي أو قعدتي غلط أو لا سمح الله سويتي حادث سياره ماتنكشفين ثانيا أريح لك عشان المريول ما يكهرب وتضطرين تعبينه مويه عشان يفك عنك شوي ويكون قطني قطنيي قطنيي راحه مابعدها راحه ويمتص العرق اللي يطلع خصوصا وقت الدوره يلمك ومايطلع ريحه ,, ويكون لونه محايد أسود أو أبيض لإن إذا ملون صار مهرجان ,,
أما بالنسبه للدوره تصدقون من ريحه الوحده أعرف فيها دوره أو لا ! ريحه مقززه غير محببه وكريهه جدا حتى لو انها مهتمه بنظافتها جددا برضو تطلع ريحه من ذيك المنطقه أولا لزوم قبل الدوره تزيلون الشعر من المنطقه الحساسه لإن دوره وشعر وصيف النتيجه ضدك تماما
ثانيا لاتستخدمون فوط أولويز أبدا ابدا أبدا لإن فيها مضار ووسخه وتطلع ريحه إستخدمو فوط فام أولا لأنها كبيره وتضمن لك إنو مايتسرب منها ثانيا لاحظت إنها ماتطلع ريحه ,
وأخيرا لما تجيكي الدوره لابد تلبسين فيزون أو ليقنز قطني عشان يمتص التعرق من المنطقه وبين الفخذين اللي ممكن انها تساعد بظهور ريحه كريهه وقت الدوره
ولاتنسون تستودعون نفسكم كل صباح وتقرون أذكاركم عشان الله يحفظكم من كل شر يارب
وأتمنى أكون أفدتكم ولو بشي بسيط
دعواتكم
سبحان الله وبحمده
سبحان الله العظيم
أستغفر الله العظيم وأتوب إليه