قولي رأيك بغراض طفلك ؟؟

مراحب بنات ..
كيفكم .. وكيف البيبيات ...

ودنا نشوف اراء البنات باسرع طريقه ممكنه .. بحط اسأله عن افضل شي استخدمتوه في موضوع العنايه باطفالكم والسبب.. يعني ليش الشي هذا بالذات اعجبكم .. نبغى شي واحد او اثنين فقط عشان تسهل القراءه ..

بببدأ انا .. امله من البنات التفاعل عشان نستفيد ونتسلى ولا تضحكون على التفاصيل الصغيره ترى في التعامل مع الطفل اقل الفروقات تبين ...

أفضل رضاعات :
رضاعات من موذر كير اسمها tomee tipee بس يليتها قزاز ..
للمواليد والبيبيات الي معرضين للغازات : رضاعات nuk متوفره في بيبي شوب بكثره و بعض الصيدليات والسوبرماركت ..

أفضل مقص اظافر :
مقص من ماركة farlin هو صغيييييير وراسه مدبب ومره سهل بصراحه جربت اشياء ثانيه وبغيت اعور البيبي .. اخذته من سوبرماركت معا اعرف اسمه بس اتوقع متوفر مهو شي صعب ..

أفضل مصاصات :
مصاصات nuk لانها خفييييفه بشكل مو طبيعي الوانها فسفوري حلوه .. وفيها تقنية الرضاعات تسمح بخروج الهوا وبالتالي ما تلزق بفم الطفل بزياده ...

افضل مستحضرات عنايه بالجسم :
شامبو وجل استحمام وكريم موثر كير , ريحته حلوا وما يخشن لو استعملت الجل بكثره , احسن بكثير من بيبي جونسن ..

افضل مناديل مبلله :
سيباميد طبعا بس سعرها ما يسوى خصوصا وانا استعمل بعده مويه ..
بيبي جونسن ممتاز وما يهيج ..جربت غيرها والفرق كبير بصراحه ..

افضل حفايظ :
هجيز ميزته قطن ويمتص ويعبي ههههه بس ما يتحمل نومة ليل ..

افضل ملابس داخليه للبيبيات :
فنيلات موذر كير اللي فيها رسمه على الصدر او الملونه , وتجي 7 يعلبه .. هذي تتحمل الغسيل وتبقى زي ما هي .. اما البيضا السادا اللي تجي 3 بعلبه بعد غسلتين تنعدم !!

افضل صابون غسيل ملابس :

فيري للملابس وتلقونه في جيان .. ممتاز في المحافظه عالملابس بس ريحته ممكن كثير ما تعجب الكل .

أفضل محل ملابساطفال منوعه :
بالنسبه لي محل green وموجود في الدمام في الشاطئ مول وموجود بع قي الرياض بس مدري وين بصراحه ..
محل petit petapon بضاعته مميزه بس ما ينزل دايم يعني ما يجدد .. موجود في مارينا مول والراشد في الشرقيه ..

افضل محل بجايم اطفال :
بجايم اوركسترا .. هذولي للمرتب .
بجايم ماركس اند سبنسر للعملي بس عيبها ثقيله حبتين و يبيلها مكيف والا جو لندن !

افضل فوط استحمام :
فوط من بيبي شوب ممتازه وتنشف .

افضل ليفه :
ليفه صفرا على شكل قرص سميك من موذر كير .. جربت غيرها كانت تكش وتصغر ..

افضل اسفنجه لدعم جسم الطفل اثناء الاستحمام :
اسفنجة موذر كير هي صغيره نواا ما بس مع العنايه بها وعصرها ىبعد كل حمام تبقى معاكي ..
جربت حقت بيبي شوب هي ارخص بس من اول استعمال قلب لونها ..وبعددها بدا يتفتت الاسفنج ..

افضل غلايه رضاعات :
غلاية تومي تيبي تلقونها في مذر كير , مسطحه وتصلح للتنقل لانها مش مدوره وكبيره ..
غلاية موذر كير ممتازه بصراحه وعمليه ..

يالله بنات همتكم لا تفشلوني .. هاتو اللي عندكم ..استناكم ..واذا عندكم افكار اكثر حطوها ..