:: قولي زوجتك نفسي ::

السلام عليكم ورحمة الله وبركاته

ترددت كثراً قبل كتابة هذا الموضوع وقد يكون القسم الذي اخترته لكتابة هذا الموضوع خاطئ فأتمنى نقله ان وجب للقسم الصحيح

قصة حدثت معي قبل 3 سنوات تقريباً كنت جالسة مع إحدى صديقاتي في الجامعة وكان قد بان عليها الهم والحزن .. وكانت قريبة مني عزيزة علي ..

سألتها : اشفيج يالغالية ؟ عسى ماشر !!

أجابت بحزن : زين سألتيني هم على قلبي ومادري أقوله حق من وانتي مطوعة واكيد تفهمين في هالسوالف << أنا لست مطوعه كما تقول ولكن ولله الحمد كانوا صديقاتي يلتمسن فيي الاخلاق والدين والفضل لله ولوالدي ولله الحمد ..

المهم قالت لي " وأعرفها ليست متزوجه أو مخطوبة " : أبي أنفصل بس ما أعرف اشلون ؟

استغربت من هذه الجملة وأول ماخيل لي أنها تزوجت عرفي بدون علم أهلها

قلت لها بسرعه : تنفصلين عن من ؟ واشلون ؟ وشسالفة ؟

قالت : بقول لج قصتي . أنا تعرفت على واحد ع النت " وهذه البنت طييييييييييبة للغاية وعلى ويهها مثل مانقول تصدق كل شي واهلها ماعطينها الخيط والمخيط والواحد مايقول مافي ثقة بس للثقة حدود " المهم تكمل قصتها
وهالواحد يا ( اسمي ) طيب وحنون والصراحة الصراحة حبينا بعض لين ماقال لي يتزوجج ففرحت وقلت لها ابركها من ساعه بس اشلون انت في ويييين وانا في وييين يعني بتيي بلادي وبتخطبني وجي وبتقول حق هلك قال لها لااا انا بقول انا استشرت شيخ " قالت اسم شيخ كبييييييييييير معروف بحكمته ووقاره " وهالشيخ قال لي تزوجها كلاماً وخلاااص هي تصير زوجتك على سنة الله ورسوله بس انت قولها انا بخطبك وهي تقول لك زوجتك نفسي :ohplease: وانتهي الموضوع وهي تصير زوجتك حلالك تقدر تسوي معاها اي شي :eek: .. وتخيلوا عطاها فتوى بس مثل ماقلت لكم انه صديقتي على ويهها هو بروحه كاتب الفتوى يعني يبين انه تأليف خاصة اني أعرف هذا الشيخ جيدا ومستحيل يقول هالكلام
وتقول كنا نتكلم بالتلفون ونمارس ( ----- ) قولاً <<< وانا وقتها يحليلني توني مخلصة تانوي ومادري شالقصة
المهم نكمل
تقول انه المهم كانوا عادي عايشين مع بعض وهي يتقدمون لها المعاريس وترفض بحكم انها متزوجه
لين مايا يوم وامها قالت لها لين متى صح انتي صغيره وحلوة بس الناس اللي يتقدمون لج وايد ممتازين ليش ترفضين
فصديقتي ماعرفت شتقول لامها فقالت خلاص بقول لزوجي ننفصل وارتاح :(
فطبعاً يوم قالت حق الزوج " ال يعني صج زوجها " رفض وزعل وقال لها انا بعذبج وومابطلقج .. هو لاعب فيها وهي مصدقة ...
المهم انه هي انصدمت ليش مايطلقها وجي ويايه فقيرة تستشيرني

فالحمدلله يعني بينت لها انها الموضوع كان لعب في لعب وقدرت افهمها وأوعيها وعلى طول قالت والله مابيني وبينه اي كلام ولا حتى بقول له اني بهدك اشلون انا جي وتمت تلوم نفسها وتربية اهلها وتقول اهلي ليش ماربوني عدل ليش مافهموني الدين ؟؟

والله كلامها قطع قلبي فعلاً ليش الأهالي يغفلون عن عيالهم بهالشكل ؟ ليش مايربونهم عدل ع الدين عشان محد يقدر يلعب بعقلهم ليش ؟؟

يارب تهدي جميع المسلمين وتهدي شباب المسلمين وترزقنا نربي عيالنا على القران والسنة

اسمحوا لي ع الاطالة وعلى الاسلوب اللي مش ولا بد ..

وسبحانك اللهم وبحمدك أشهد أن لا إله الا انت استغفرك وأتوب إليك