موضوعك جميل سر رضا زوجي يحب اني استمع جيداً لسواليفة يعني ما شاء الله عليه متحدث جيد يحب اني اسمع واجامله كثير يحب الترتيب والإتيكيت ولا يحب الوحدة تطلع كثير والحمدلله انا قادرة ارضيه
الصفحة الأخيرة
مازال يبي لك وقت حتى تفهمينه أكثر وغالبا السنتين الأولات وحتى الثالثة تكون صعبة عالزوجة لحد ماتفهم زوجها
وتعرف له ..... لاتكدرين نفسك وإذا على مشاوريك كلهم ياقلبي يتهاونون وماعليك غير الصبر والزن ممكن يفيدك معه
بطريقة مؤدبة بعيدة عن الصوت العالي والغلط كل مشوار لك خذيه ببساطة شوية كلمات حلوة وحنونة مع شوية دلع
مع دعوة طيبة مع ترجي خفيف يصلح حلك بس الدعوة يبي لها صبر ولاتنسين كل الرجال مثل زوجك بالنقطة هذي
أما من ناحية الغلط عليك من أبسط خطا يطلع منك والله هالمشكلة بتستمر معك ومعي ومع الكل مدى الحياة بصراحة
مافيه غير إنا نسعى إنا نبعد عن الحاجات اللي تستفزهم وتخرب حلاة أشياء كثيرة بسبب غلطة عفوية قد تكون أحيانا منا
ساذجة لكن أنتي حاولي تبعدين قد ماتقدرين عن الغلط ولو حصل سكري على الموضوع بسرعة ولاتعطينه فرصة للجدل
والخلاف ممكن مثلا تقولين : خلاص خلاص ماعليه ماكنت أدري ولما يعصب تعيدين عليه كلمة خلاص والله ماتنعاد
كلمة خلاص توقف الموضوع عند حد معين وبكذا ماتتفاقم المشكلة أما كلمة منك وكلمة منه وتبررين ولازم تقنعينه وهو
يوضح إنك على غلط هذا يزيد الموقف سوء صدقيني ....
آخر كلامك اللي هو يتدخل فيك كثير ماعليك غير تعطينه الثقة عطيه جوه إذا قال شي قولي طيب صح عليك والله صادق
وخليه يحس إن كل توجيهاته صح إكسبيه لحد ما يتركك من نفسه .... على بالك بيستمر كذا بـ يمل بيوم ويوقف من نفسه
خاصة لو حسستيه إنك عادي ، تدخله الزايد نوع من الإهتمام بك حتى لو طلع بصورة غير مقبولة تحمليها زي ماقلت لك
بيخف أو تتلاشى بس صبرك ياعمري عليه ...... المدح لا يمدحك بكيفه مادام واثقة من نفسك إتركيه لاتنتظرين مدحه أبد
ولمعلومك كثرة سؤاله عن وش رايك في هذا وكيف هذا وأبي تعليقك على ذاك يخليه مايبدي رأيه أبدا حتى لو معجب به
طنشيه ويجيك هو من نفسه يمدح ولا فلا يمدح الله وأكبر ....
أتمنى أكون أفدتك موفقة ربي يسعدك ويحفظك ويسعد صاحبة الموضوع اللي عطتني وعطتك الفرصة نتكلم بموضوعها
الأكثر من رائع ...
كل الود