الحمدلله الذي عافانا يالله قصص مخيفه من جد

نصيحه ياامهات الاطفال لاتدخلينهم المطبخ وفيه شي على الفرن لانهم حركتهم خفيفه وسريعه

انا صار لي موقف واحد لما كان عمر بنتي 5 شهور كنت تعبانه ومواصله لي يومين مانمت يالله نومت بنتي الصبح الساعه 10 اول مانامت على السرير رحت قلت افرش اسناني وارجع انام بجنبها ولا هي الله يهديها لحقتني وصارت تحبي وراءي

انا طالعه من الحمام تكرمون واشوفها قدامي طاحت متشقلبه راسها تحت ورجلينها فوق وطرررررراخ على السيراميك
انا شلتها وقعدت ابكي طبعا واحط يدي على النافوخ ولا منتتتتفخ بغيت انجن وماني عارفه شي اتصل على امي وخواتي ماحد يرد من كل عقلي احسبها تموت من الطيحه

اتصلت على صديقتي دكتورة والحمدلله ردت علي قالت أهم شيي لاتستفرغ ولا تنام صحيها
والحمدلله ماستفرغت وبعد ساعه خليتها تنام

بعدها حرمت انام وهي على السرير صرت انام على الارض انام على الاقل وانامطمئنه

الله يصلحهم
شدني الموضوع

البارح طاحت علي عيالي ثلاجه المطبخ

الله يهديهم مادريت عنهم يسون مرجيحه بالباب <<مدري عن عقلهم ايش يفكرون>>


وانا في فرفة النوم والا الطيحه قويه كانه انفــــجار قمت انتفض :icon33::icon33:


كانوا واقفين وينظرون للثلاجه الحمد لله ان الصغير ماهو عندهم


الحمد لله جات سليمه ماصابهم ولا شي ياااارب لك الحمد


لاني اردد دائمآ (اللهم ان استودعتك اطفالي فاحفظهم لي )


يارب انك تحفظهم ولا يصير لحد من الاطفال مكروه

كنت امشي على السير الكهرباي وبنتي عمرها سنتين تحوس عندي
ودايم اخذرها تقرب مني بس الطفل ماله امان
جت على السير من قدام وحطت رجلها والسير شغال على السريع وانا امشي عليه بلحظه طارت البنت بنهايت السير ودخلت يدها بين السير وهو شغال والفرشه وحكت اصابعها لما طلع الشحم الابيض منهم يعني قريب من العظم
بس الحمد لله والشكر على كل حال كان ممكن يصير اكثر من كذا
كان ممكن اوطاها برجليني لاني ماكنت اقدر اوقف والسير شغال بس مدري شلون بنفس اللحظه ربي الهمني ونطيت منه
اوممكن تنشب فروه راسها وينشال شعرها
بس الله كريم

كنا جالسين على ثيل ومليان ماشاءالله ولدي يلعب بعيد شوي بس اشوفه عمره 4 سنوات بغفله مني مادريت الا هو طالع على طريق السيارات وبين المواقف اتذكر ان فيه جمس جاي ناحيته خلاص بلحظه الله لايعاقبني قلت راح لكن رحمة ربي وحفظه سبحانه اللهم لك الحمد والشكر انتبه له الرجال او انه مانتبه المهم لحق خالي عليه وجابه وكان شارع مليان سيارات رايحه وجايه الله يجعلني وياكم من الشاكرين ويحفظ عيالنا وعيالكم من كل شر يارب

:26:

انا ولدي من سنة دخل جوا خشمه خرزة
يقول احسبها ماتعور
وداه ابوه للمستشفى وطلعوها بالشفط
وولدي انواع الصياح
-----
ومرة قفل على نفسه باب غرفتي واخذ المفتاح ورماه ورى التسريحه
وكسرنا الباب
------
مرة طاح من المشايه من الدرج كامل بس كان غلط شغالة اهلي
لاني ساكنه في دور ودايم اسكر الباب
جت عندي شغالة اهلي وخلت الباب مفتوح وهو فرح ويروح للدرج على طول ويطيح
بس الحمد لله ربي سلم
-------
بنتي مرة بلعت صاموله اللي تجي مع البرغي وكانت كبيرة
وديناها للمستشفى وسووا لها اشعه
قالوا بتطلع مع البراز وانتم بكرامه
-------
القصة هذي صايرة لبنت جيران بنت عمة زوجي <<< مشوار صح
تقول اني كنت جالسه العصر الا الباب يدق علي جايين حريم من التحفيظ اللي جنبهم
وقالوا لها جيرانكم بنتهم طاحت من السطح
تقول واخذ عباية وحده منهم واروح لبيت الجيران والقى بنتهم طايحه وكلها دم
وتوديها مع ولدها للمستشفى لقوا البنت متوفيه
امها مسكينه جاها انهيار عصبي كانت نايمه العصر وما درت عن بنتها انها في السطح
الله يشفع بها
امين