الشهر الي راح بنتي عمرها عشر شهور طاحت من الدرج دراجه من اول الدرج

فيه طفل يحبي انا شفته قدام عيني ..... كنا بالحوش ودخل اصباعه مع فتحة المروحه حقت الدينمو وقطع اصبعه
ومرايا طاحت على ولد اختي وانكسرت على جبهته وخيطوه ---- وكمان فيه ولد يلعب بعماره مهجورة وطاح من بيت الدرج حق العمار الى الارض --- وانكسرت يده ورضوض قويه بوجهه -----واخوي كان على البلكونه وجاه النوم نعس ...وطااااح من فوق البلكونه عالارض ------الله يحفظ عيالنا

ياربي قصصكم تعور القلب
الله يحفظ عيالنا من كل شر

بنتي عمرها سنتين
طاحت كورتها بالغساله وجابت كرسي بتلحق الكوره وتزحلقت على راسها وصارت كلها جوا الغساله وهي مليانه غسيل وصابوووون وشغالهه
وماقدرت تصااارخ من المويه
بس سمعت دربكه بالغساله ورحت اجررري والاقي رجولها فوووق وراسها جوا
يوووووه قلبي قام يرجف اللحين..
واسحبها وبقوووه والحمدلله انها قدرت تتنفس اول ماطلعتها وتصيييح وناخذا المستشفى وعملو لها اشعه كان بطنها ملياان فقاعات الصابون ونوموها والحمدلله هي بخير اللحين
انتبهو من الغساااااله ياامهااات
الله يحفظها لي ويصلحها ياااااااارب

هذا الموقف لولدي صارت له الحادثه وعمره سنه وخمس شهور كان الله يهديه حرك شوي

المهم كنت ذاك اليوم مسويه شوربه((شوفان )) عشانا وخلصت الطبخ وجهزت الشوربه وحطيتها بصحنيين

واحطها بصينيه واحط الخبز وباقي العشاء واحطها على طرف الطاوله وطلعت وكان ولدي بس يلحقني باي
مكان اروح له
كان وقتها وراي وطلعت وطلع معي ورحت للغرفه انادي ابوه ومادريت الا انا اسمع ذيك الصررررررررخه

وانا اركض الا واوشوف الكارثه شفت الشوربه منتثره عليه وماشوف الا الجلد وجهه يطيح قطع قطع

وبسرعه اصرخ على ابوه اناديه واخذه للحمام واحط عليه مويه بارده وصار الجلد يطييييييح بشكل فضيع فضييع

وبسرعه انزل لبسه واعطيه ابوه واروح البس عباتي وبسرعه نطلع للمستشفى وطول ماحنا بالطريق يصرخ وينقز

والله يابنات من الحراره والجلد يطييح على عباتي من وجهه ويدينه ورجلينه لاني نزلت لبسه ولابقى الا البربتوز

ويصرخ قطع قلبي وقهرتني الاشاره حمراء اقول لابوه اقطع يقول تبين تجييبين لنا مصيبه ثانيه

ونوصل المشفى وبسرعه يسعفونه والله وكل الدكاتره يهاوشوني قهروني:mad:

وبعديين نوموه اسبوعيين بالمشفى طبعا الدكتور كان يقولي لاتخلينه ينام الاعلى مسنده عاليه علشان رقبته تكون

بعيد عن جسمه<<طبعا مادري ليه

طبعا بعد ماطلعنا من المشفى قالي ابوه ان الدكتور يقول كان ولدكم بيسبب له الحريق اختناق ثم وفاه علشان

كذا كان يقولي الدكتور ارفعيه بمخده علشان مايلصق جلد الوجه بالرقبه

بس والله قطع قلبي يوم طاح كل جلده ويتنفخ :44:

والحمدلله الان عمره سنتين وخمس شهور وراح كل الاثر الا تحت الرقبه شوي


ملاحظاااااااااااااااااااااااااااااااات ....

لاتخلون اطفالكم في المطبخ ابدا

ابشركم تشافى ولدي تماما من الحرق على ((ميبو ))

والحمدلله على سلامته والله يحفظه


وانتبهووووووووو لهم الله يعيييني ويعينكم