انا عندي سر لكثافة و لمعان و لصحة الشعر و اقوية بصيلات الشعر و لنمو الشعر و عدم تقصفه و عدم تساقطه


لما اتسبح و اغسل شعري بالشامبو و اخلص مره وحده من تنظيف و غسل شعري






















اكون منقعه قبلها بيوم ملعقتين كبيره سدر في كوبين و نص ماي واصفيه علشان اتخلص من بقايا السدر و اخذ ماي السدر فقط بروحه وراح يطلع بالصوره هذي




و طبعا اذا تبينه خفيف زيدي ماي النقوع يعني حطي 3 اكواب بدال الكوبين

و اغسل فيه شعري في ماي نقوع السدر و اطلع من الحمام بدون ما اشطفه هالطريقه حلوه لان

1- ما راح يصير في الشعر ريحه لانج شطفتي الشعر بماي السدر بروحه وراح يعمل عمايله بشعرج من تكثيف و لمعان و صحه

2-الطريقه هذي تغنيج عن السيروم اللي يستخدمونه البنات لتساقط الشعر لان السدر معروف يقوي بصيلات الشعر و يطوله

3- اطراف الشعر صحيه و غير متقصفه

4- الطريقه هذي سهله و سريعه و بنفس الوقت فعاله وايد وماراح تترك اثار على الشعر او ريحه مو حلوه مثل ما تسوي الخلطات و الزيوت

ولاحظوا شعركم بعد شهر اشلون يصير من كثافه و لمعان و طبعا مفعوله راح يختلف من بنت الي بنت حسب طبيعه جسمها و شعرها بس خليكم مستمرين على هالطريقه على طول

صح و ممكن السدر ينشف الشعر تقدرون تستخدمون بضع نقاط من كريم تصفيف الشعر طبعا اي كريم انتي تحبينه و ترتاحين له





و ختاما ادعوا لي يا بنات بالستر و التوفيق

زيت الورد للهالات والمايونيز للشعر
خلطة السدر والزيوت الاربعة اللوز والسمسم والخروع والزيتون افضل الزيوت للشعر عن تجربه

موضوع جداااااا جميل فيه خير ومنفعه كثيرة وتباادل خبرات

وانتم فعلا بنااااااااااااات متحابات في الخير وللخير

تسلمين ايفيان على موضوعك الروعه الله يسعدك
اول شي قبل المكياج احط قناع النشاء مع موية الورد عشان تصير بشرتي مفتحه وناعمه
كنت اكل سبانخ قبل النوم وعلى الفطور ووجهي بيتشقق من الاحمرار والبياض حتى اثار التعب خفت كثير وتركته بسبب الكسل وان شاء الله ارجع له
ليدي اذا شفتها صارت مسمره اخلط فازلين مع شوي فيكس وزيت زيتون وزبدة الكاكو الامريكيه والبس قلفز تطلع اليد تجنن من البياض مع المناكير ودك تاكلين يدك
بعد الشور ادهن جسمي بجل زيت جونسون وهو مبلول بعدها اتنشف جسمك يصير فيه لمعه

ماشاء الله تبارك الله ... بسم الله الذي لايضر مع اسمه شي في الارض ولا في السماء وهو السميع العليم

والحين جاء دوري بسألكـ ياايفيان
انتي قلتي ان فيه ربطات الشاش اللي تلفينها على السيليوليت اكتبي لي اسمها ونزلي صورتها لان الاولى مو واضحه وانا ابيها هذا الاسبوع عشان بشتريها الله يخليك
واكتبي اسم العطر بالضبط الصوره مو واضحهـ
ووين انتي بالضبط بلندن والا بباريس والا جنيف خخخخخخخخ
وربي يسعدك ويحفظك ويحميك ويردكـ لاهلك سالمه غانمه ان شاء الله
احلى تحيه لك

ماشاء الله اسراركم روووعه
انا حقولكم على صابونتي الرهيبه
صابونة الكركم والمره
تشد الجسم وتصفيه
وهذه صورته جبتها من النت نفس اللي عندي