السلام عليكم ورحمة الله وبركاته
كنت اتصفح هالقسم وشفت موضوع االعسسل سحابة وله
اللي اهو هذ1 للي تبي تدخل الموضوع
http://forum.hawaaworld.com/showthread.php?t=1719275
:27:
والله قريت كل ردودكم وكل وحده تعيد رد الثانييه فحبيت ارد وادلي بدلوي وكتبت الرد فلاحظة انه طوويل فقلت اخليه موضوع
مستقل بس مرتبط لما بدأته سحابه العسوله لآني بصراحه خفت ان مااحد يرجع يقرأ الردود
ابي ادخل بالموضوع مباشره مع العلم اني ضييفه جديده في عالم حووواء اللي كنت اتصفح الموقع بدون تعلييق او تسجيل من اكثر من 7 سنوات
وهالموضوع الاول لي واتمنى افيييد
انا كان عندي وقت فراغ لو بيقسم على بنات الرياض كفاهم هههههههه
كنت 24 ساعه على النت اكل نت نوم فقط
ومن تقريبا سنتين بيوم كذ1 بالليل جلست اصيح مليت من حياتي وش هالحياة الي متى وانا بصير بس نت ونوم واكل
وصليت ركعتين وتعوذت من ابليس وقمت وتروشت واسسسفهلييييت وقرررت النت مااجلس عليه كثير واتحررك
وصرت ادور شي اصلحه جبت نبتات وزرعتها باحواض كبيره وصرت اصلح لي ولاخواتي شرايط واساور وشباصات
يعني اشغال يدويه
صرت اشغل نفسي باي شي ولا اجلس ابد احاول مرره اني كل مافضيت من شي رحت للشي الثاني وارهق نفسي والله العظيم
حتى النوم اذا جيتي تنامين تحسين بلذه يازين النوم بعد الشغل والكرف والتعب مب يومك كله نايمه وملخبط لا صلاة مثل المسلمين
فوقتها ولا شي يا خزياه فربي قسم بالله اشوف بعض البنات تقوم المغرب وتصلي الظهر والعصر والمغرب ياربيه وش هالحياة؟
نظمووووو نومكم ربي يقول وجعلنا الليل لباسا وجعلنا النهار معاشا ماقال اقلبوا يومكم ليلكم نهار ونهاركم ليل؟؟ << حست انها أمكم خخخخخخ
نومي 1 بالليل وقومي لصلاة الفجر وارجعي نومي وقومي 9 الصباح ويكفي نوم قيلي لك ساعه الظهر وعدلي يومك وبتشوفين السسسعاده
بعدين الشغاله ضعيييفه ترى ماتتحمل والله كل هالكرف غسل وكنس ومسح وراحه وكان فالبيت بزارين وكانها تطبخ حرررررررررررام اللهم لاتحملننا مالا طاقة لنا به
ترى انا كنت اول والله حتى كاس المويه اناديها تجيبه لي بس الحمد لله صحيييييييت من هالسبات وهالغفله احيانا والله العظيم اذا شفت الصحون كثيره
ساعتها بالتغسيل واخواتي كانوا يضحكون علي وفالاخير صاروا يصلحون مثلي اكلتي اغسلي صحتكك ترى مب ضارك ولا ناقص منك شي
حطي نفسك بس مكان الشغاله وتخيلي كل هالاشغال عليك؟ ساهمي لو بالقليل جيبي الغداء صفي صحونه
بعض البنات تقول فاضيه اتردد للمطبخ اشيل واحط؟ ميخالف والله رياضه في زمن تراكمت فيه الشحوم وتضربين عصغورين فحجر تحركتي وقضيتي على وقت الفراغ
واشغلتي نفسك
مثلا الله يعزكم حمامك انتي اغسليه مب لازم الشغاله غرفتك انتي رتبيها لا تدخلها الشغاله ملابسك انتي اغسليها
اشتهيتي عصير قومي انتي وزينيه لا تنادين الشغاله تحررركوا الحركه كلها بركه حتى اخواتك قولي لهم لازم نتحرك يكفي ترديد
ملل ملل فراغ فراغ اففففف ياربي وش هالعيشه وترقين تتهاوشين مع اختك وتنزلين تتهاوشين مع امك ونفسيتك دمار
صلحي مسابقه فالبيت جيبي اسئله واطبعيها ووزعيها تحت بيبان الغرف و حطي جائزه للي بيحلها
صدقوني في اشياء كثيره تشششغل فراغنا بس احنا مانبي نتحرك
ولا تنسون الحركه تمنع الشحوووم
الحين والله بنات على 16 و18 سنه تشوفينها تقولين ام 30 الشحم لاعب فيها لعب من قل الحركه
اطبخي نادي بنات جيرانك روحي لهم
احنا وبنات جيرانا صلحنا مسابقة طبخ مثلا
السبت نقرر ترى الاجتماع ببيت الفلان والمسابقه على افضل طبق حلا
طبعا الجائزه تكون من كل بيت 50 ريال ووحده تتكفل وتشتريها
والله بتصيرون تنتظرون السبت باحر من الجمر وتفتشون بالمنتديات عن طرق طبخ جديده
فارجع واقول لا تتكيسليين وتجلسين وتنافخين اففففف طفش افففف ملل اقهري الطفش والملل بالشغل
بعدين كل وحده تحط تحدي بينها وبين نفسها انها ماتقول كلمة طفش او ملل ابد فاليوم وصدقوني ماراح تحسون بالملل ترى احنا نجيب الطفش لاانفسنا بتهيأتنا
واكثروا من الاستغفار دايما يازين الاستغفار يابنات والله انه يجلي الهموم وضيقات الصدر
وشغلوا في المطبخ اذ1عة القران وشغلي سورة البقره فغرفتك خلي البيت كله قران وبتلاقون سعة الصدر والوناسه
واتررررركوا عنكم الحش فالناس وفلانه قالت وفلانه صلحت (( دعوا الخلق للخالق)) ترى النفس من جوى تتعب والنفسيه تندمر لان الذنوب تغطييينا لازم ننظف انفسنا والله يابنات اني انا واخواتي قررنا معد نتكلم عن احد ولا نجيب سيرة احد واذا وحده جات تحش ذكرناها باتفاقنا خخخخخخ والحياة حلوه بس نفهمها
وبعدين احمدوا ربكم على النعمه والله لا يختبركم ولا يبلاكم لا بمرض ولا بضيييقه
قووولوا ياربي لك الحمد اننا نمشي ونتحرك ونرووح ونجي وغيرنا يتمنى هالشي والله لو ينحررق طرف اصبعك قعدتي كل الليل
تونين خخخخخ وتقولين يا زين البارح مافيني الا العافيه مع انك البارح كارهه عمرك بسب الفراغ والملل
بعدين اميمتك مالها الا الله ثم انتي يا بنيتها انزلي اجلسي معها صلحي قهوتكك ومعمول والا شاهي وحبيبات خخخخخ وافرشي فالحوش
يالله من فضلك بعد صلاة المغرب بس رشيه بمويه خخخخخخ عاد جونا انواع الحر اخاف تقلبون ضببه خخخ بس الله يخلي هالمكيفات الصحراويه اللي تسحب بالحوشه
واطلعي ونادي اخواتك واجلسوا فالحوش وغيروا جو وسولفوا والله يابعض الامهات تقول اجلس عن بنتي يومين وثلاثه ماشوفها واهي معي بنفس البيت
لان نومنا ونومها مختلف
يازين الجلسه مع الاهل مب تنامين وتقومين واحداث كثيره صايره فالبيت ولا دريتي عنها ؟؟
اسمعوا انا عندي اقتراحات انا جربتها انتم جربوها تشغل الوحده مننا شوي
1)الصابون معضمنا اذا بدت الصابونه تخلص ترميها انا اقول لا ترمينها حطيها بعلبه وقولي لااهلك اللي صابونته مايبيها وصغرت هههههههه لا يرميها واجمعيهم وبعدين جيبي مبشره وابشريهم وجيبي اي قماش عندك او من ملابسك ماتبينه بس بشرط يكون دانتيل او تل يعني مخررم وقصيه مربعات قد الكف وخطي من بشر الصابون واربطيه بشريطة ستان تناسب مع لونه وزعي على اهلك وصديقاتك واخوانك خليهم يحطونها في دواليبهم او في مكان جزمهم الله يعزكم منها انك قضيتي على الفراغ ومنها انك اهديتهم شي ومنها كبرتي بعين نفسك اني والله صلحت شي مفيد اليوم
2) كذلك بقايا الشمعات اجمعيها وشكليها بقوالب بعد ماتموعينها بتطلع اشياء حلوه
3)كراتين الجزم الله يكرمكم صلحي منها علب ولا اروووع لااشيائك وزينيها بالورد والدباديب
4)علب المناديل صلحي علبه لمناديلك ومناديل اخواتك
5) اطبخي وتعلمي الطبخ مب بكرى تفشلينا عند اهل ززوجك اذ1 تزوجتي خخخخ
والله اتمنى اني افدتكم يا حبني لكم وساهمت لو بالقليل اتمنى من كل وحده تقرا كلامي تدعي لي بالدعاء اللي فتوقيعي والله يوسع صدري وصدوركم بالعافييه والعفو
ويبعد عنا وساوس الشيطان ويغفر لنا وللمسلمين اجمعين
طفلتي هي دنيتي @tflty_hy_dnyty
عضوة جديدة
يلزم عليك تسجيل الدخول أولًا لكتابة تعليق.
جزاك الله خير ونفع الله بك
الله يعطيك العافية
من مواضيعي
الى كل من تتوب عن الذنب ثم تعود وتتوب ثم تعود اليك الحل
http://forum.hawaaworld.com/showthread.php?t=1735872
السهم القاتل العين احذرية لاتوردك المهالك
http://forum.hawaaworld.com/showthread.php?t=1733235
هل تعلمين لماذا لاينشرح صدرك ويزول همك رغم انك تصلين وتذكرين الله
http://forum.hawaaworld.com/showthread.php?t=1691386
وماذا بعد ؟؟!! حلقة كرتونية لهدم العقيدة بالصورلتوم وجيري
http://forum.hawaaworld.com/showthread.php?t=1731812
سؤال محرج اترك اجابته لك
http://forum.hawaaworld.com/showthread.php?t=1720281
لماذا لايستجاب دعاؤنا مع أن الله تعالى قد تعهد باستجابة الدعاء
http://forum.hawaaworld.com/showthread.php?t=1641521
جمعت (325) رسالة مكذوبة وقول العلماء فيها هل نقلتي شيء منها للمنتدى احذي لاتاثمي
http://forum.hawaaworld.com/showthread.php?t=1731531
يــــالحسين يــــــالبدوي يـــــالجيلاني ........... ياولي الله
http://forum.hawaaworld.com/showthread.php?t=1703377
الله يعطيك العافية
من مواضيعي
الى كل من تتوب عن الذنب ثم تعود وتتوب ثم تعود اليك الحل
http://forum.hawaaworld.com/showthread.php?t=1735872
السهم القاتل العين احذرية لاتوردك المهالك
http://forum.hawaaworld.com/showthread.php?t=1733235
هل تعلمين لماذا لاينشرح صدرك ويزول همك رغم انك تصلين وتذكرين الله
http://forum.hawaaworld.com/showthread.php?t=1691386
وماذا بعد ؟؟!! حلقة كرتونية لهدم العقيدة بالصورلتوم وجيري
http://forum.hawaaworld.com/showthread.php?t=1731812
سؤال محرج اترك اجابته لك
http://forum.hawaaworld.com/showthread.php?t=1720281
لماذا لايستجاب دعاؤنا مع أن الله تعالى قد تعهد باستجابة الدعاء
http://forum.hawaaworld.com/showthread.php?t=1641521
جمعت (325) رسالة مكذوبة وقول العلماء فيها هل نقلتي شيء منها للمنتدى احذي لاتاثمي
http://forum.hawaaworld.com/showthread.php?t=1731531
يــــالحسين يــــــالبدوي يـــــالجيلاني ........... ياولي الله
http://forum.hawaaworld.com/showthread.php?t=1703377
الصفحة الأخيرة
حبيبتى الله يحقق لك مرادك عاجل غير اجل