قومي يا بنت و نظفي بيتگ

السلام عليكم گيف الأحوال مع هالاجواء اللي تجيب العافية وأجواء طلعات و وناسة بس الوحدة عشان تطلع وتنبسط لازم تترك البيت على سنقة عشرة نظافة وترتيب وريحة ترد الرووح
أول شي قومي خذي لك منشفة وحطيها في سطل فيه موية وصابون وديتول العملاق وكلوركس وطلعي المنشفه واعصريها ومسحي بها سراميك بيتك حتى المطبخ و بعدين ادخلي الحمامات ونظفيها ومسحي مرا يا المغاسل وشغلي الغسالة على الملابس طبعا انتي اللحين خلصتي الحمامات والسراميك والمغاسل بمراياهاوالغسالة شغاله على الملابس وما ياخذ منك نص ساعه
ادخلي المطبخ و وظبيه شوفي وش محتاجه مواعين:3_13_12: تمسيح طاولات خلصيها وروحي لغرفتك وظبيها ورتبي السرير ومسحي مراية التسريحة و روحي جمعي زبايل البيت وحطيها بكيس واحد خلي زوجك ينزله معه وامسكي المكنسة وكنسي البيت كله ما ياخذ والله عشر دقايق حتى يمكن اقل
و ولعي بخور وبخري البيت وأرجعي لغسيلك وكملية
بقولك شي عن الغسيل ترا ماياخذ وقت ساعه ساعة ونص بالكثيير
اول شي ابدي بملابس زوجك شغلي الغساله عليها ووقتيها عشر دقايق و ارجعي اشطفيها عشر دقايق ثلث ساعة وانتي مخلصة ثياب زوجك حطي اللحين الشماغ خمس دقايق وبعدين اشطفيه خمس دقايق نص ساعة وانتي مخلصة ثياب زوجك وناشرتها
باقي ملابسك على حسب دفعتين او ثلاث كل غسله بثلث ساعة يعني يبي لك ساعه الا ثلث وانتي خالصة من ملابسك واللحين حطي ملابس بزرك دفعه ابيض ودفعه الملون خلي غسيل طفلك خمس دقايق لانه كثر مايقعد بالصابون كثر ما يصير خشن علية يعني ثلث ساعة وملابسة خالصة اللحين صار لك ساعة ونص والملابس نشرتيها و انتهى الموضوع سهل مررره
وعشان يخلص مع البيت وانتي تشتغلين تنظيف وقتي الغسالة ونظفي واذا طفت روحي اشطفي الملابس ووقتي عشر دقايق وارجعي كملي شغلك وهكذا تصيرين خلصتي شغل البيت و خلصتي الملابس معها ..... وبس
ابي ردوود
دمتم بووود☺