شوفي يالغالية انا عندي لك حاجة حلوة تدلك على كل اللي تبغينه من اسواق او مطاعم او فنادق او اماكن تمشيه او........او......او....
يعني بااختصار كككككل اللي انتي تبينه
بصراحه انا جربته لما رحت للشرقية بالاجازة اللي قبل شهر والله رااااااااحة كل اللي ابغاه موجود
بس مااقدر اقولك على العام اخاف يكون ممنوع والا فيها احراج
راسليني على الخاص وان شاءالله راح تستفيدي
بصراحه الشرقيه سمعه عالفاضي كنت اسمع عنها على بالي مره متطوره طلعت عاديه اللهم الخبر والمطاعم اغلبها ماشي حالها ياكثر ماجربت ..........وجهه نظري احلى شي الخبر هاديه ورايقه
ذحين كل المولات فيها العاب ومطاعم ...اما الدمام كل شوارعها حفريات وتحويلات تخلي الواحد يكره الطلعه
ذحين كل المولات فيها العاب ومطاعم ...اما الدمام كل شوارعها حفريات وتحويلات تخلي الواحد يكره الطلعه
الصفحة الأخيرة
أنا أصلاً من سكان الشرقية والآن شبه استقريت بالرياض ولكني إلى الآن أحن للشرقية ولرطوبتها :p
أنصحك تشوفين الأماكن اللي مش موجوده بالرياض مثل مقهى أوتاكوشي ... بصراحة روعة من ناحية التصميم والفكرة ..
مواقعه بالشرقية تلقينها بموقعهم .
http://www.otacuschez.com/locations_a.htm
ثانياً: لو كان عندكم شوية قريشات أنصحكم بالشاليهات. شاليهات الخليج وغيرها ..
بالنسبة للمطاعم انصحك بمطعم (أبو رمانه) في الدمام بالشارع الأول ، ديكوره نوعا ما متوسط لكن أكله لذيييذ..
لو حبيتي تاكلي بالدمام عندك الشارع الأول كله مطاعم وبصراحة كلها زينه .. (إلا ماندر) طبي وتنقي..
بالنسبة للسكن انصحك تسكنين بالدمام عشانه شوية أرخص من الخبر.. والمسافة قريبة
وللفنادق اللي أسعارها معقوله وزينه ، فندق عرش بلقيس بالدمام... شارع الملك فهد مقابل مجمع ابن خلدون التجاري. وبما انك بتسكنين في بلقيس بيصير مجمع ابن خلدون مره قريب منك ...
في مقهى بالخبر رووعة لكن بتنقهرين مني ، لإني مش عارفه مكانه ولا حتى اسمه :) .. بس اللي اذكره انه بوسط الخبر وبداخل دواعيس :) ...
اهمممممممم وش بعد ....
خليني ألخص لك الأماكن على حسب الشوارع عشان ما تضيعين ..
شارع الكورنيش بالخبر كله مطاعم و تسوق...
شارع الأول بالدمام كله مطاعم
شارع السويكت بالخبر - للتسوق
شارع الظهران بالخبر - تسوق ومطاعم ومجمعات مثل الراشد و فينيسيا ..
شارع الملك فهد بالدمام فيه مجمع ابن خلدون و فندق بلقيس
شارع الكورنيش بالدمام - أجمل مافيه الواجهه البحريه (اللي ينقال عنها جديده) و مطاعم و مقاهي مثل أوشيانا وغيره. والمحاره.. وتلقين فيه شوية تسوق..
بس تعبت .. يارب اكون وفيت شوي .. تعبت وانا اعصر ذاكرتي ...
ولو ناويه تروحين البحرين كان فدتك أكثر ..