قيام الليل ((ليله واحده فقط ))فرج همي والله العظيم ،،قصتي داخل

قصتي ياأخواتي الحبيبات //


انا وزوجي كنا متهاوشين ،، لنا تقريبا اربعة ايام ،، مانكلم بعض الا لشيء ضروري

مثلا :(( تبي عشا ، تبي غدا ،، انا بطلع تبون اغراض للبيت )) وبس

واحنا في غربه يعني الهوشه زادتني هم فوق همي:44:

كرهت كل شي حتى زوجي ،، وصرت ماأجلس في المكان اللي هو جالس فيه

المهم رابع يومفي في نص الليل صحيت عشان بنتي الصغيره كانت تبكي ورحت عندها انومها

وبعدين قلت لنفسي ليه يابنت ماتروحي تتوضي وتصلي وتدعي ربك والله مابيردك

وفعلا رحت اتوضأت وصليت وحاولت أخشع وأبكي ودعيت ربي من قلبي وخلصت صلاتي ورجعت نمت

وخامس يوم صحيت عادي ومضيت يومي عادي كباقي الأيام الا انو حصل أمر رائع أسعدني وفرج همومي

تدرون وش هو ؟؟؟

زوجي رجع من صلاة العشاء وجايب لي هديه ((تورته )) يبي يرضيني

والله يابنات يوم شفته :icon33: من الفرحه وحسيت بعظم وفضل قيام الليل والدعاء والقرب من الله

مع العلم انو زوجي من النوع الزعوووووول اللي مايرضى بسرعه يعني ممكن نجلس بالأسابيع على هالحال


اللهم لك الحمد والشكر على كل نعمه أنعمتها علي

حبيت انقلكم تجربتي وأتمنى أكون أفدتكم