قيام الليل والثلث الاخير من الليل في الرياض

السلام عليكم ورحمة الله وبركاته



لاتفوتكم صلاة الليل وربي احساس يجنن مهما وصفته ماراح تتخيلونه اللي ماتعرف هالاحساس ولا عمرها ذاقته وعرفت حلاوته تذوقه اليوم وتبكي وتشكي لله سبحانه وتعالى

حتى اللي ماعندهم مشاكل ولا هموم اعرفوا الله في السراء يعرفكم في الضراء

توني الحين حملت منبه قيام الليل وقلت لازم اشارك خواتي بنات حواء الاجر وكل وحده فيكم تبلغ اهلها بالوقت وتاخذ اجرهم

او ممكن بورقة كراسه تكتب الوقت وتعلقه في اي مكان واضح في البيت وتاخذ اجر كل من يقوم ويصلي قيام الليل

وممكن في نفس الورقه تكتب ايه او حديث يحث على قيام الليل وخاصه في الثلث الاخير اللي عندها واتس او بلاك بيري تحاول ترسل يوميا الوقت لكل اللي معاها


باذن الله بدخل يوميا واعطيكم الاوقات ولا ابي منكم الا دعوه بظهر الغيب وترفعون الموضوع يوميا

طبعا صلاة الليل تبدا من بعد صلاة العشاء


نبدا اليوم الثلاثاء في الرياض

بداية الثلث الاوسط الساعه 10

اخر فرصه لصلاة العشاء 10 و 32

منتصف الليل 10و 57

بداية الثلث الاخير من الليل 1 و 23

منتصف الثلث الاخير من الليل 3 و ٥ دقائق

فيه كمان نهاية الثلث الاخير وكان الساعه 3 و 56 بس انا اشوف انه اخر وقت يكون مع صلاة الفجر او طلوع الفجر مثل ماقريت وسمعت وفيه كمان وقت الاستغفار بالاسحار وكان 4 ونص ونفس الشي سمعت انه الاستغفار بالاسحار يكون في كل الثلث الاخير من الليل والله اعلم

وابي اكبر عدد من البنات تنسخ الرد وتلصقه في اي رد لها في اي موضوع وفي اي قسم


يعني مثلا انا كتبت بنفس هذا الموضوع رد وقلت الوقت كذه واليوم كذه يكون وقت قيام الليل والثلث الاخير تاخذونه وتلصقونه في الردود على المواضيع يمكن وحده من البنات تقرا الرد وتروح تصلي وناخذ نفس اجرها باذن الله


فيه شي ثاني ابي كل وحده منكم يابنات تاخذ الموضوع وتنسخه في كل الاقسام لو سمحتوا يعني كمثال بنتي حياتي في المجلس العام و ساره في الاسريه ونفس الشي بقية الاقسام

واللي بتنقله في الاقسام الثانيه تنسخ وتلصق وبس يعني مايحتاج يكون باسمي انا عادي باسمها اهم شي يكون موجود في بقية الاقسام وانا بدخل كل الاقسام يوميا واكتب الاوقات باذن الله


اللي بتنسخ الموضوع في بقية الاقسام تقول هنا بالردود مثلا انا بنسخه في قسم كذه عشان مايصير الموضوع منسوخ مرتين او اكثر والنسخ يكون الى كلمة والله اعلم




اللي ودها تعرف متى وقت الثلث الخير من الليل يوميا تدخل على ملفي او مشاركاتي وتشوف الوقت وبكل سهوله ان شاء الله


بعد التعديل

( توني اعرف بمساقبة مواضيع قيام الليل من خلال موضوع في هذا القسم الله يجزاكم خير يارب على هذي المسابقات اللي فيها الاجر العظيم باذن الله بس موضوعي مايخص المسابقة )