المقادير
علبة روب
ملعقه شاي كاستر
ملعقه شاي خميره
هيل و زعفران
و مقدار علبة الروب طحين ابيض
و شويه ماي حول الاستكانه
بطاطا مسلوقه صغيره
تخلطين كل المكونات مع بعض عدا البطاط تعجنينها و تخلينها تخمر لي خمرت حطي عليها البطاط
و بعد ما تخمر حطيها بجهاز القيمات
و تكونين مسويه الشيره و حاطه فيها حبات هيل و زعفران و الشيره تكون بارده بروده الغرفه( 4 اكواب سكر مع كوبين ماء و حب الهيل ( الهيل ما يكون بودر و زعفران)
و الزيت يكون دافي و غزير و النار صغيره لو زيتك حار تر يحرقك لانها راح تنفجر فيج و نارك لو عاليه تكون مقرمشه من بره و من جوه لينه طبعا قلايها على ما تتحمر راح تاخذ وقت و لازم تحركينها باستمرار عشان تتحمرمن كل الجهات
و قلبي بالشيره تالي حطيها بالمشخال تتصفى
و قبل لا اقلي اقول 3 مرات بسم الله الذي لا يضر مع اسمه شيء في الارض ولا في السماء و هو السميع العليم
و عليكم بالعافيه
و هذه تشبه صورة قيماتي
