كأبه وقت العيد ولا فرح؟؟

يابنات السلام عليكم
ابي افضفض لكم شوي لانه ضايق صدري

انا العيد قبل سنتين  واللي قبله ما احس بالعيد
من يوم تزوجت وزوجي اهله مايعرفون وشو العيد اقولكم كيف 
اولا مب مثل اهلي يقومون من الفجر يصلون ونطلع كلنا لصلاة العي ومجهزين قبلها التمر والسلات وحلاو والدنيا وناخذة ونخلي الصغار يوزعون وحنا نفرح ونشوف الناس ونسلم على الي نعرف ونرجع ويجون يزورونا حريم اولاد عمي ويجتمعون معناربعض حريم عماني ونستانس 
ولا عيد الاضحى نطلع استراحة ونجتمع الى المغرب وبعدها خلاص كل واحد لبيته بكذا حسينا بالعيد واليوم الثاني والثالث نطلع اي مكان 
اهم ما البموضوع اليوم الاول
هذا بالنسبة لاهلي 
اما اهل زوجي 
 
مايعرفون وش العيد 
اولا مايروحون للصلاة واذا قلت لخالتي لية مارحتي للمسجد تقول والله قرف ما احد يروح؟؟؟؟؟؟؟؟؟؟؟؟
يلة انا عاد ابلعها وامشيها
الشي الثاني مايقومون من النوم كل البيت الا المغرب وكأنه يوم عادي؟؟؟؟؟؟؟؟؟؟؟؟؟؟؟
الشي الثالث اذا صحت تروح تطلع للسوق وعلى فكرة اهي مداومة بالسوق يوميا تروح السوق بدون سبب 
مرات احسن االشغالة ساحرتها انها ماتجلس بالبيت؟؟. لان الوضع مو طبيعي 

 الشي الرابع انا اول عيد معهم كان مأساة بالنسبة لي انصدمت اولا قمت لبست عشان ابطلع اصلي الصبح العيد
 الا اصحي زوجي وقال لي على وين قلت قم نروح المسجد لا نتأخر 
قال لي مافية حريم يروحون ؟؟؟!!!!!
طبعا عرفت ان امه مفهمته كذا 
مو مشكلة عاد قلت له انت قم خل نطلع واذا مافيه حريم يصلون انا ارجع عادي جدا 
ويوم رحنا صلينا وطلعنا ولابسه انا حضرتي وكاشخه الا انزل عند اهله ؟؟ تخيلوا جالسه من بعد الصلاة الى الظهر ما احد دخل علي لانهم نايمين وزوجي انسدح شوي وقام وتقهوينا انا وياه وولا احد والله صحى عاد قال زوجي يلة خل نطلع للبيت وانا بوقتها كنت مصدومة
دخلت الحمام وجلست اصيح لحالي لاني ضاق صدري 
الحين صرت العيد ما اشوفهم عشان ما اكتئب واونس نفسي بنفسي اسويرجو ببيتي من بعد الصلاة وننشغل باللحم انا وياه ونطلع المغرب نتمشى 
يعني صرت ابعد عنهم لانهم جابوا لي الاكتئاب 
السؤال 
من منكم واجهت مثل كذا عيد ووش سوت