كأنك برميل غاز....هههههههه

ليس بالغريب ان تدخل علي زوجتك وتحصلها مكشرة وراكبها الف عفريت
يعني عادي تدخل تحصله ماده بوزة سبع متر قدام كنه من بائعات الحرم
ومدده بالصالة تسنه عجوز ام سبعين
وعليه سروال وحولة دلة القهوة وزمزمية الشاهي
وماسكة التلفون تسولف والجوال تكتب رساله ( ترى منيره حامل ولا علمتنا )
وتشبهر بعيونه عليك
طبعا تستقبلك بكلمات لا تخفى علي اي متزوج
يعني ممكن تقول لك توك تهضل
استانست بالاستراحه ( طبعا هي ما استانست بالتلفون )

انت واصل للبيت ضحكتك ماليه خشتك وبعد هذه الكلمات
تكشر ويصير مالك نفس
وراح تدخل غرفتك تنام
بتجي لك وتقول انت ما همك الا النوم والبيت كنه فندق بس تاكل وتشرب وتنام وتطلع

طيب اول الزاوج كان كذا
طبعا لا

لذلك خليك انتي في البيت كنك صديق من اصدقاءه بالاستراحه اجذبيه بكل حنيه وعنف

يعني مثلا اذا دخل للبيت سوي له مقلب مضحك

تخفي وراء الباب واذا دخل نطي بحلقه اضحكي
يكون فيه حركه وضميه بقوووة قولي اشتقت لك يالشين

ما يمنع اذا كان بالبيت تسوي قدامه حركات إغراء كأنه غير مقصودة
اذا كان يشرب شاهي ما يمنع تاخذي الكاس وتشربيه عنه خطرا هالصحراوي يصكك بالكاسه
اذا كان يتغدى وقرب اللقمة لفمه اسحبيها منه وكوليها

يعني سوي حركات شبابيه بناتيه كأنكم اصدقاء مو لازم ازواج

اذا دخل دورة المياه وانتم بكرامة ادخلي عليه
هو ممكن يوجه رشاش الماء لك بس برضوه بيكون فيها ضحك ولعب

خليه يعيش جو الاستراحه في البيت

علقي عليه تطنزي بشكله قولي ليه اليوم انت كذا كنك برميل غاز
خليك عياره وضحوك ولو كان مو طبعه كذا راح يتطبع بطبعك

خلي البيت له عباره عن استراحه وبيت ومطعم

عيشوا جوكم بالضحك والفرفشه

الضحك يزيل الهم

اذا مثلا مره حصلتيه زعل عليك

قولي له من زين هالخشه زعل ( راح يضحك لأن خشته ماهي زينه ) << وتكوني دقيتي علي الوتر الحساس
ويمكن يطلقك بس ما عليه اتحملي كل هذا من اجل السعادة الزوجيه << بهزر

وبيني وبينكم

لا يهمكم الكلام الرومنسي

يعني يقولون لك حطي له الغرف كله شمع وورود وخلي الجو رومنسي
يا عمي طير اي رومنسي خلي الغرفه هيصه وزيطه وخليك مراهقه في الغرفه
او ثاني يقول خلي لبسك مغري وريحتك فتانه تذوبه
خلي ريحتك ان شاء الله بصل وكراث
بس اهم شئ كوني لهلوبه مشاغبه عنده



حوسي الغرفه وكركبيها
واذا دخل متحمس قولي يالله قم خل نواسي الغرفه
وطبعا راح يكون فيه احتكاك

وما يمنع كذلك تجيبي له البصل حزت العشاء وتقولين له شلقه وقطع الطماط
علي الاقل تخلينه ما يطلع ويبلش بالبصل
وكمان يجهز السلطه

بمعنى خلو بيوتكم عش زواج وعش اخوان وعش اصدقاء وعش فراخ

هذا المقال ناقلته من منتدى ثاني واللي كاتبه رجال وابغى اعرف رايكم بكلامه؟؟؟؟