كااانت تؤام رووحي والان .....كرهتها

السلام عليكم ورحمة الله وبركاته ..

قصتــي مع صديقـــتي ..

يابناات القصه باختصار كانت علاقتنا زماله بالمتووسط ويوم صرنا بالثنوي ورغم ان كل وحده مننا انفصلت في مدرسه غير الا ان الصداقه استمرت بينا بالتليفوون في الغالب ...

يوم دخلت الجامعه صارت العلاقه اقووىواقووى ليين صرنا ندهر تلفوونات بالساعات احيان توصل لاربع ساعات متواصله ...

كنت احبها وكنت ابثلها همومي وهي بالمقاابل نفس الشي واكثر ...

بالسنــه الاخيره حسيت ان علاقتنا صارت تاخذ منحنا اخــر ..

يعني البنت تعلقت فيني مررره ...والمكالمات اللي كانت كل يومين صارت كل يووم هذا غير مكاالمات الجوال والرسائل ..

وفي البدايه سايرتها وبالعكس استانست على هالشي حسيت ان عندي صديقه ماافي مثلها ..

بعدين قامت البنت تزعل على اشيااء بسيطه مثل مارديت عالتلفوون تخيلوو حتى لو رجعت كلمت تقوولي ليش وماليش وتتشرهه علي مرررره ...

وتعرفوون الحياة مشاغل والله احيانا اصير بالحمام اكرمكم الله وتقعد تحقق معي ...

بعدين صارت تزعل على ادنى كلمه اقولها لها .. يعني مثلا تقوولي فلانه حلوه اقولها لا بالعكس ..الخ يعني اشيااء مرره تافهه ماتتصورنها

يعني اذا كلمتها بالتلفوون وربي يجيني النووم ولا اقدر اقولها عن اذنك لان مالي خلق تقلبها تشرهه ودلع ...(انتو عاد شووفو كم طوول المكالمه ):09:

المهم .. انا بديت اتملل منها ...

وخلاااص بديت احس بالضيق وكم مره اقول اصارحها بعدين اذا جا الجد اتراجع اخااف انها تزعل خاصه انها مررره حسااسه وتكبر الموضووع بسرعه ولا تتحكم بعواطفها ...

وبيووم قالت لي انها بتنخطب وكذا انا فرحت لها مررررررررررررررررررره ...

وقلت فرصه تنشغل مع الحبيب ..:42:

بس للاسف تخيلوو احيانا تصرف خطيبها اللي هو زوجها (متملكه ) عشان تكلمني ..

انا يوم وصلت هالمرحله قلت لها يافلانه ترى انا مو دايمه لك مثل رجلك وكذا وما كذا ...

تخيلو حتى سوالفها كله عني وهي تكلمه ...

وطبعا بملكتها .. حاطه لي اغنيه خاصه فيني ورقصنا عليها نا وهي بس قدام المعازيم >> حسيت اني المعرس:arb: والمعرس معطيته اشكل هي ووجهها

وطبعا تقوولي ادق التفااصيل عنه وكللللللللل شي يقوله او يسويه لها >> بزيااده يعني

والله كنت انصح وانصح ..وهي تفهمها على اني ماابغها وابغاها تتبتعد عني ..

وبايام ملكتها انا قلت خلااص لازم اثقل عالبنت ولا وربي بتخرب العلاقه بينها وبين رجلها بسسببي ..

فيووم ثقلت شووي(يعني ماكلمتها يومين ثلاثه ) وربي ارسلت رساايل كني ذبحت اهلها ...:(

المهم وصاار الزعل شي طبيعي بصداقتنا وكل شووي زعلاانه البنت >>للمعلوميه انا مااستسمح منها ولا شي هي ترجع تكلمني وانا احن اقوول مايخالف اكلمها بس عاادي مثل غيرها ..

بعدين صرت ازعل منها واطوول بالشهووور .. لانها كانت ترسل رساايل بلحظه غضب تخرب عليها ..

يعني مثلا عشان ماكلمتها من اسبووع صاارت ترسل رساايل قوويه لو تبوون اكتبها لكم ماعندي مانع ,,
فقمت ازعل منها ولا اكلمها الا بعد فترره طوويله (فترة النقاهه )

والزعل صار جزء منها خلااص وتعوودت ...وقررت اني اتركها زبعد الزواج اشووف خبرها يمكن تنشغل عني شووي ..

بس انا اللحين انخطبت ..وقلتلها ولا ردت علي ولا باركت لي ..(معصبه ) بعدين ردت علي وباركت لي ..

وانا رديت عليها عاادي وصرت اكلمها مثل مااكلم كل صديقاتي يعني مافي شي سبيشل بصداقتنا مو مثل اول ايام الصداقه ...والتجهيز بعد تعرفوون يهلك الوحده نفسيا وجسديا وهي ماتراعي هالشي

طبعا هي زعلت هالمره حيييييييييييييييييييييييييييييييييل :09:

وارسلت لي كلاام يجرح مرررررره انا عصبت وقلت خلاااص هذي النهاايه انا مافيني اتحملها كل شوي زعلانه ..

واستشرت وحده من صديقاتي ..قالت لي اقطعي علاقتك معها هذي ماينفع معها سكووت ترى ابوطبيع مايغير طبعه ..واخذت بنصيحتها ..

وصرااحه انا عقب رسالتها الاخيره هذي كرهتهاااااااااااااااااااااااااا مرررررررررره :09:

بس اللي محيرني اللحين ان ملكتي قريبه ...

وانا اقوول في نفسي مايصير مااعزمها عييب والله ...واحيان اقوول اخااف تعلق من جديد معي ...

شراايكم ..
اول شي وش سبب تصرفات صديقتي الغريبه هذي ؟؟
العيب مني ولا منهاا..؟؟

اتمنى محد يجاملني بالردود ..لاني تعبت وتعبت نفسيتي وضميري ..:(

وابي حل يريحني ويريح ضميري