حياكم الله حبايبي ..
الطلاب في السعودية معروفين يروحوا أيام الامتحانات ( مواصلين ) يعني بدون نوووم ..
ولو ان الطريقة هذي غلط .. لكن تعبت أصواتنا واحنا نقول ناموا ناموا ..
وبدل ما تتعبي صوتك روحي يا شطورة اعملي لهم كا بتشينو يفتح نفسهم للمذاكرة ..
نبدأ يا حلوات ..
حضري كل اللي موجود بالصورة من نسكافه ، كريمة الخفق ، هيرشي للتزيين ، دريم ويب ، قشطة ، حليب لأي نوع تحبيه أنا اخترت هنا حليب السعودية قليل الدسم .. عاملة فيها ريجيم :D
وكمان الكاكاو لا تنسيه للتزيين ..
اخفقي الكريمة جيدا لمدة 4 دقائق بإضافة ملعقتين دريم ويب مع السكر المقدار اللي تحبي .. وتطلع لك بهالشكل ..
وسخني الحليب على النار وضيفي مقدار سكر خفيف على حسب الرغبة ثم خذي المقدار من ع النار اذا شفتي رغوة الحليب ارتفعت .. ثم ضعيه في الخلاط الكهربائي مع ثلاث ملاعق قشطة ..
واخلطييييييييه .. وهذا شكله بعد الخلط ..
اضيفي له الكريمة اللي جهزتيها اول ثم رشي عليه القليل من الكاكاو .. ثم الهيرشي ..
يمي يمي طعمه بصراحة لذيذ ولا ستار بكس :23:
عملت لأربعة أشخاص وماشاءالله عجبهم ..
وإذا تحبي بدل ماتحطي شوكولا هيرشي اشتري نكهة كراميل بيطلع كمان روووعه زي الفربتشينو ..
جربوه وادعو لي بالتوفيق ..
وتقديري للجميـــع ..
الله يسلم يدينك يارب ويوفقك