كابلي اطعم والذ من المطاعم وحتدمني عليه وتسويه كل يوم

مساء الخير.. صبايا بما اني احب الكابلي واموت فيه وكنا دايما نجيبه من برا قررت اني اتعلمه.. لفيت بالمنتديات ودرت بس ولا طلع نفس كابلي المطاعم بالاخير جربت شغله واضافات من عندي وطلع واو واو واو ادمان هالكبسه.. وما اسمح احد ينقل موضوعي بدون ذكر المصدر. لاني تعبت علئ بال ماوصلت لهالنتيجه الاكثر من روعه .. ماصورت الخطوات بس صورت الشكل النهائي..
نبدا بسم الله
اسلقي اللحم مع قرنفل و ورق غار وشويه قرفه وهيل انخليه لحد مايستوي
بعديناذا استوئ خذي كوب من المرقه حقته وخليه علئ جنب وطلعي اللحم كمان علئ جنب والمويه الباقيه اسلقي فيها الرزبس لاتخلينه يطول ويتعجن خليه شويه حب
جيبي قدر ثاني وقطعي بصل وحطي زيت وكشني عادي واضيفي البهارات اللي عندك مع هيل وقرنفل وقرفه شوي وحركي ليمن يذوب البصل وتطلع الريحه بعدها حطي نص علبه معجون طماطم وكمون مطحون وبطاطس مقطعه مكعبات ومسلوقه نص سلقه من قبل وحطي عليها فنجان مويه كادي مذوب فيه كركم والسر الخطير اللي هو عصير ليمونه والقشر بعد ماتعصرينه حطيه مع الكشنه بعد وصبي مويه المرق اللي قلنا خليها علئ جنب واللحم اللي سلقناه وخليه شوي لحد ماتقل المويه واه عالريحه بعدها اضيفي ثوم نبشور وغطي شوي اذا شفتي قلت المويه حطي الرز اللي سلقناه وفوقه رشي مويه كادي ومذوبه فيها زعفران وغطي شوي بعدها اغرفي واستمتعي باحلئ كابلي