المقادير و الطريقه :
المقادير لنصف دجاجه فقط ، كل مازادت الكميه زيدي بالمقادير .. بصله متوسطه مقطعه شرايح ، حمستها بزيت لين ذبلت بعدين اضفت قطع الدجاج ، واضفت نصف مكعب ماجي ، نص علبه معجون طماطم ، وقلبته مع الدجاج لمده ٥ دقايق بعدين اضفت قشر برتقال ونص برتقاله معصوره ، وطماطمتين وسط مطحونه بالخلاط خلط ناعم ، واضيف بهارات مشكله وملح واضيف مكعبات البطاطس ، وتركته على نار هاديه لين يستوي الدجاج بدون ماء واذا احتجت زدت فنجال قهوه ماء .. الرز يغسل وينقع في ماء حار نصف ساعه ثم يصفى ونسلقه على نار عاليه بماء كثير وملح وحبات هيل و شوي زيت ونخليه يستوي نص استواء ، بعدين اشخله واحطه فوق الدجاج واصب عليه فنجان قهوه ماء كادي ، وفنجان زعفران منقوع بماء ونرشها على الوجهه ونقفل القدر ونخليه على نار هاديه ١٥ دقيقه ويقلب وبالعافيه .
