كيفكم يا حلويين بصراحه ردودكم على طبختي الأولى شجعتني أنزل طبخه تانيه
رز كابلي
المقادير :
حبه دجاج مقطع أرباع
حبه بصل مقطع قطع صغيره
حبتين طماطم مفرومه
صلصه 5 ملاعق
بهارات (ملح ,فلفل أسود,كمون ,هيل , قرفه ) كلها مطحونه ملعقه كبيره
وملعقه كبيره بهارات مشكله مطحونه
وملعقة هيل
وبهارات صحيحه (هيل وقرفه وفلفل أسود )
وقشر برتقال ملعقتين
و3 كاسات رز
4 حبات بطاطس
الطريقه :
أولا ( ما أحب الفصحى بتكلم براحتي أوكي)
حطي القدر ع النار وحطي الزيت والبصل وحركيه لحد ما يتحمر وحطي الدجاج والبهارات والنار تكون هاديه وبعده حطي الطماطم والصلصه والنار طبعا هاديه وبعد ربع ساعه حطي البطاطس قطعيها مربعات وزيديه شوية مويه وخليه على نار هاديه نص ساعه وبعده يا حلوييين جيبوا قدر صغير وحطي فيه نص كاسه رز وأطبخيه في ماء لحد ما يستوي
والكاستين التانيه حطيها على الدجاج والبطاطس بعد ما يكملوا نص الساعه بس يستوي الرز الأبيض والرز التاني
خدي الرز الأبض وحطيه فوق الرز التاني وصبي عليه كوب موية كادي وزعفران وغطي عليه لحد ما يستوي مزبوط
وبعده أغرفيه وطبعا لازم تراعي إنك تخرجي الرز الأبيض والأصفر في صحن صغير عشسان تحطيه ع الوجه وألف هناء وعافيه وممكن تقدمي معاه سمبوسه وسلطة لبن ودي صفرتنا اليوم
