كاثره مواضيع الخيانة من الزوجات او البنات !!

بسم الله الرحمن الرحيم

اول شي اتوقع الاقي هجوم .. فياليت نتذكر ان هذا منتدى يعني يحق لي ولك نقول رأينا بس برقي

اعرف ان القلوب بين اصبعين من اصابع الله يقلبها كيف يشاء

الله يعصمنا ويستر علينا بالدنيا والاخرة

بس انا ملاحظة كثرت مواضيع الخيانة مو الازواج لا الزوجات ؟

خنت زوجي .. خنت اهلي .. خنت مادري ايش

يابنات التعبير لحاله يجيب الحزن على الحال :09::(

ايش اللي خنتي زوجك .. واللي يجي يبرر مالاقي حنان

الله اكبر ياهالبيوت اللي يتكبب منها الحنان والدلع !!!!

كثير مو لاقيين حنان ولادلع لا ولاقين تهميش بعد بس مايخونون لانه بعد فضل الله سبحانه وتعالى وانه مافتنهم

انهم راقبوا الله عز وجل في تصرفاتهم

ايش يعني جايه تقولي خنت زوجي - خنت اهلي خنت مادري كيف؟

وين مراقبه الله سبحانه وتعالى

خنت زوجي معناته بلحظة ماكان معاي فيها ؟ وين اللي معاك بكل لحظة عنك ؟

يابنات رجاء تظل حكايات الخيانة حكايات فرديه جدا واتمنى من اعماقي ان المجتمع بخير

لو راقبنا الله قبل اهلنا كان مااحد خان احد

الرقابه الذاتية وين ؟ مافيه الله يعفو عنا ابد ابد

واللي يقهر اكثر يوم تجي وحده مدرعمة وتقول مافينا ولاوحده ماخانت زوجها او اهلها ؟؟ ويييين ياام الشباب !! الا فيه ماشاءالله تبارك الله فينا واجد واجد وقال ايش تخونه بالحلم هههههههههه ياعالم اتقوا الله وحدثوا العاقل بما لايعقل فان صدق فلا عقل له !!

عموما مادري موضوعي ايش يبي بس اعرف الهدف منه

اي وحده تحط الله بين عيونها .. وتتذكر انه معها

على فكرة ربي يستر على المسلم بس ممكن يفضحه بعد !!

ووين فضيحة الدنيا عن الاخره !!

ووين عقوبة الناس عن عقوبة ربي فضلا عن انك لو كلمتي متزوج او واحد دعت عليك امه او اخته او زوجته وش بيكون موقفك.. وبيجي اللي يبرر يقول ان ماكلمني كلم غيري زي وحده هنا قالتها وصراحة مادري تبرر لنفسها قدام مين !!

لا حبيبتي انتي يوم تصلحين من نفسك بيتصلح المجتمع .. بس كل وحده تبدا بنفسها وماننسى شعيره الامر بالمعروف والنهي عن المنكر


الله يتوب علينا وعليكم .. ويستر علينا وعليكم
ويعصمنا ويعصمكم عما يغضب وجهه الكريم

ويجعلنا مفاتيح خير مغاليق شر

* على فكره انا مو مع اللي يقول الرجال شايل عيبه .. اي نعم شايله بالدنيا بس برضو بالاخره شايل ذنبه !!!

بس الحديث هنا غير موجه للرجال والا نفس الكلام بالضبط ينطبق عليهم



:(