وهذا كلام الشاب مصور الرابط
بسم الله الرحمن الرحيم ..
اول شي اقول الحمد لله على سلامة الشباب فرد فرد ..
ما اقدر اقول الا .. " ولن يصيبنا الا ما كتبه الله لنا " ..
مخيم طوله 80 متر بعرض 20 متر بلمحة .. صار كومة حديد ..
شفت كثير مواقع اخبارية عرضت صور للكارثة بعد ما خلصت ..
لكن صورها معي تختلف .. لاني عشتها بتفاصيلها ..
ناتج هالكارثة 16 اصابة ... لكن الحمد لله كلهم طلعوا باقي واحد تحت الملاحظة .. متصل عليه قبل انزل الموضوع يقول بيطلع بعد شوي الحمد لله ..
البداية ..
الشباب متواجدين من الصباح .. مستعدين كل شي على احسن ما يرام ..
مرتبين على انه فيه دكاتره من جامة الملك سعود .. راح يسوون ورش عمل على المسرح ..
تغير علينا الجو فجأه .. قبل يجوو ضيوفنا ..
حاس علينا الترتيب دخل علينا غبار ..
بعد ما خف الجو .. رجعنا كل شي زي ما كان ..
جو الضيوف بدوا محاضراتهم ودروسهم ..
رجعت لنا موجه الهوا
المخيم منقسم قسمين .. معرض ومسرح
الضيوف بالمسرح ..
وباقي الشباب سحبتهم من المسرح لان البوابه صار فيه خلل من الهواء .. ونبغى نصلحها بدون ما يحسون الضيوف ..
لاحظوا ميلان المخيم من فوق .. والغبار اللي مالي المكان ..
يتبـــع
وش اللي كان بالجهة الجنوبية ..؟؟
كانت صناديق الثعابين الكوبرا وام جنيب وطقته .. والتمساح والضب
لما شفنا المخيم يضرب عليها .. ضمنا بتطيح ..
سوينا اخلاء للمعرض على طول .. طلعنا الزوار غصب ما يدرون شسالفه .
جالسين ندفهم دف
سبحان الله اول ما طلع اخر واحد وبقيت انا وكم شخص معي قبل الباب بشوي ..
انشلعت الخيمه .. فوووووووووووووووووق
الجو برا ما تشوف شي طبعا .. اركض على عماك ..
ما دريت الا بجنبي سيارة واتخبا بجنبها .. عن الغبار ..
بعد الصورة الاخيره اللي فوق .. حولت وضع الكام فيديو .. كنت بوثق شغل الشباب ..وهم يصلحون اضرار المخيم ..
بعدين صار اللي صار بعد ما خفت الزحمة اعطيت الكام عبد الله بوي ساد .. عشان يوديها لسيارته ..
جاني قال احمد انت مصور فيديو ..؟؟
قلت لاا ..
قال الا الكام كانت شغاله معك ..
ابي اعرف كيف سويت لها ستارت مدري
هذا اللي اذكره .. الباقي تشوفونه بالفيديو ..
وهذا الفيديو
http://www.youtube.com/watch?v=pgurS...layer_embedded