والله احنا صارت معانا بس انتي اهون مننا

احنا الفريزر الكبيررررررررررررررررررررررررررة وربك يا عفن استغفر الله بس:44::09:

وشي بسيط سوته الوالدة بعد مانظفتها بالكلور والشغلات ذي , فصلتها طبعا وحطت فيها قطع فحم كبيرة عشان حجم الفريزر وتركتها مفتوحة اهم شي تتهوى

وكمان حطي جرايد مع الفحم

وربك الريحه ما اخذت غير يومين

واحمدي ربك انتي ثلاجة

هلا أم العامر تدرين داخله هالقسم بكتب تجربتي بتنظيف ثلاجتي اللي سببت لنا أزمه أنا وزوجي
من ريحتها الخايسه
هذا الله يسلمك سافرت لأهلي وزوجي جلس بالرياض يوم رجع ألا الريحه معبيه الشقه ريحه لاتطاق
ألا الثلاجه طافيه عنها الكهربا
تخيلي فضاه من كل شي ونظفها بكلوركس وديتول والريحه ماراحت ويقول تخف أحيان وترجع بقوه
المهم جيت أنا وشمرت عن ساعديي قلت مالها إلا رجالها
نظفته عقمته بخرته مسحته بصابون وبيكربونات الصوديوم غليت قهوه تركيه ودخلته داخله وهو حار جبت فحم حطيت نعناع كل شي مافاد هنا قال خلااااااااص
بحثت بالنت ولفت نظري رد من الردود تقول أنتبهي للعلبه اللي تكون تحت الثلااااااجه وتجتمع فيها السوائل
طيران ونوخر الثلاجه أنا وزوجي وحنا نلاقيه زي العلبه حديد مثبته بالثلاجه فكيناه وإلا الريحه ماتطاق كبيته وعقمته ورجعناه
ماشاء الله لاقوه إلا بالله مافي أي ريحه الحين وريحة مطبخي تجنن
مسحته بعد السالفه كله بديتول وبخرته والحمدلله الريحه من أحسن مايكون

أتمنى أكون أفدتك ياقلبوووو

حبيبتي لاترمينها ولا شي ان مرت عليا نفس الحالة سبحان الله في رمضان قبل 6 سنوات كنت عند اهلي وهو رجع لقى الثلاجه مفصوله ومعفنه وكلم محل خلاهم ياخذونها وينظفونها بس ما راحت الريحة وقاله العامل في المحل لاشبكتها في الكهرباء حط فيها فحم مولع بدون بخور وخليه فيها الين مايطفي وانا قريت في النت عن قشر البرتقال تحطيه جنب فتحات التهوية وكمان البيكنج بودر تحطيه في صحن وتقربيه وتفصلي الكهرباء شويه وتخليها تشفط ريحته مع قشر البرتقال لانها تقطع الروايح عموما وكل شويه بخريها بمستكه لانها تقطع الريحة وحطي قشر برتقال في الثلاجه والفريزر بكثرة الى ماتختفي هذي تجربتي
على فكره الريحه بتروح من الثلاجة من تحت قبل الفريزر
وكمان افتكرت حطي خل في طاسات صغيرة و وزعيه في الثلاجه والفريزر يشيل الروايح معلومة سمعتها من منال العالم

شوفي هذي الحاله صارت لختي والله العظيم انها يمكن قرابت الشهر وهي تغسل بكلوركس وصابون وديتول وبخور ولا فادة في الاخير رموها واشترو جديده بس الله يعوضكي في ثلاجتكي

اولا شهركم مبروك ويبلغنا واياكم هالشهر ويجعلنا من المقبولين فيه باذنه
وثانيا حبيت اشكر كل من دخلت وقرت مشكلتي وساعدتني بشورها وجعله بميزان حسناتكم وثالثا وهو الاهم ابشركم الريحه راحت وللابد باذن الله وفي ثواني معدودة والسر زي ماقالوا بعض الاخوات كان في صحن موجود في بطن الثلاجه رغم اني دورت وطالعت بالكشاف بس يوم ضاق زوجي من الريحه فصل الثلاجه وفكفكها من ورا وطلع منها الصحن اللي كان مخفي بطريقه عجيبه وكان كله دم وريحه كريهه شلناه وكبيناة برا البيت وغسلناة بديتول ورجعه زوجي وشبك الثلاجه واختفت الريحه بمعنى الكلمه الحمد الله رب العالمين
وشكرا مرة ثانيه لكل من ساعدتني برايها