كاري الدجاج بالكريمه...... بصراحه شي

السلام عليكم بنات
سويت كاري الدجاج بالكريمه وكان لذيذ بصراحه ، وطريقته سهله جدا ..
اقتبسته من من مطعم ( ريتشوني ) بس اللي عندهم دجاج بالكريمه ، يعني انا حطيت الكاري من عندي
وبرضو الرز اقتبسته من عندهم لانه اعجبني.

هذي الدجاج بالكريمه اللي طريقته كالتالي:
بصله كبيييره مفروووومه
اربع فصوص ثوم مفرومه مع البصل
تحمسينه بشوي زيت وشوي زبده الين تذبل فقط ، وحطي الدجاج الصدور
المقطعه مكعبات وخاليه من العظم وتحركينهم زين, حطي مكعب ماجي وملعقه كبيره كاري
وشوي من البهارات اللي عندك,حطي مشروم الكميه اللي تحبين انا حطيت نص علبه تقريبا مشروم شرايح
الحين تحطين شوي مويه تقريبا كوب ، وتغطين عشان ينضج الدجاج.
بعد ما تحسين المرقه قلت حطي علبة كريمه صغيره وحركيم وخليهم لمدة 10 دقائق
وتضيفين ملح ان احتجتي..

وهذا الرز اللي كان من الافضل اني احط جزر وبزاليا:

بس اللي عجبني ان الرز مصري يعني ما كنت اتوقع انه المصري ينفع الا للمحاشي والسليق وبس
المهم انا اضفت شعيريه والطريقه:
بقولكم طريقة لو اني حاطه الجزر والبزاليا
تحمسين الشعيريه مع فصين ثوم مفروووم وجزره صغيره مبشوره وبزاليا الكميه اللي تحبين

(( والافضل تحطين البزاليا آخر شي مع قرب نضوج الرز))

الين تتحمر وتحطين المويه على طول طبعا انتي تقيسين كمية المويه على كمية الرز ...
وحطي نص مكعب ماجي وحطي الرز على طول انا ما انقعه اغسله بس.


بس الرز نكهته لذيذه الثوم عامل عمايله.......
وبس حبايبي ان شاء الله تعجبكم وباذن الله ما راح تخرب عليكم لانها سهله ومضمونه.
الملاحظات:
1:ممكن سلق الدجاج ثم اضافته على البصل واكمال الطريقه عادي.
2:ممكن اضافة اي نوع من الخضار على الدجاج ان رغبتي.
3:ممكن استبدال نوع الرز لكن المصري مهم في هذه الوصفه.
4:تكون وجبه متكامله مع السلطه الخضراء.
5:اللي تطبخ لابد من وضع لمساتها عالطبخه من زياده او نقصان سواء في الوقت او المكونات.

وهذي الصورتين في المرفقات . اضغطي عليها وتطلع لك .