هالحلى اعجبني فيه شكله يواجه ومقاديره سهله
هو من طبقتين طبقه جيلي بنكهة الفيمتو والثانيه زي التشيزكيك بس خفيفه
اخذتها من كتاب فن الحلويات وهذي ثاني وصفة أطبقها لكم من الكتاب
وشفت تطبيق هالحلى بمنتدى ثاني قلت اجربه واصوره لكم
هذي صورتة على غلاف الكتاب
المقادير :
(بالكوب المعياري)
الطبقه الأولى :
كوب ماء فاتر
كوب ماء مغلي
ملعقتين اكل سكر
ربع كوب فيمتو
نص كوب ماء بارد
٢ جلي بالفراوالة ( اي نوع ماعدا قودي سيء جدااا ولا يجمد)
الطبقة الثانية
علبتين زبادي بحرارة الغرفة
نص الكوب سكر
ثلاث ارباع كوب حليب بودرة ( في الكتاب مكتوب نص بس حبيته يكون ثقيل)
علبة جلي بالفراولة
الطريقه :
نجهز الطبقة الاولى: نذوب السكر في الماء الفاتر ونضيف له الفيمتو
نخط الجيلي مع الماء المغلي حتى يذوب ونزيد عليه الماء البارد ونحركه ونضيف له مزيج الفيمتو
نوزعة بكميه متساويه في كاسات
( ضروري كاسات ماينفع في صينيه)
نحط الكاسات بالفريزر حتى تتماسك
نجهز الطبقة الثانية: نخلط الزبادي والسكر حتى يذوب ونضيف له الحليب البودرة ونخلطة زين ونخلط معه الجيلي
كذا بيكون شكل الخليط
نوزعة بالكاسات ونحطها بالفريزر
نكرر الطبقات بخفة بالملعقة ونحطه بالثلاجة الين وقت التقديم
وزينوه زي ماتحبون
تاكلونه بالعافية