اليوم بنزل لكم شيز كيك في كاسات مع قلوب الفراوله :heart:و اتمنى يعجبكم و تجربونه و اي استفسار انه في الخدمه يله ما اطول عليكم
و هذي صورته :)
المقادير:(تقدرين تستخدمين كريما انتي مفضلتها في الشيز الكيك و تقدرين تشيلين و تحطين و تغيرين في المكونات الكريما على كيفج و المقدار على العدد ألي انتي تبين تسوينه )
جلي فراولة +1/2ك ماء بارد+1/2ك ماء ساخن
بسكويت شاي مطحون
شويه زبده مذابه
قيمر
جبن كيري في حرارة الغرفه
دريم ويب اوكريما سائله
حليب سائل إذا استخدمتي دريم ويب
فراولة طازج مقطعه شرائح بالعرض يعني تصير دائره و تقطعين كل شريحه بالقطاعة البسكويت على شكل قلب صغير او اي شكل تحبينه و راح تزيد الاطراف في الشرائح لين تقطعينها قلب و هاي الزوائد تقطعينها صغيره عشان تستخدمينها بين الكريما (ان شاء الله فهمتو علي :()
الطريقه:
اول شي تذوبين الجلي في الماء البارد و الساخن و تخلينه في حرارة الغرفه عشان يبرد تماما .
تخلطين البسكويت المطحون مع شويه زبده و شويه قيمر إذا تحبين تكون متماسكه و ترصين شويه من العجينه في قاع الكاسات و بعدين تخلطين في الخلاط مكونات الكريما و لازم تكون الكريما جامده شوي و إذا صارت معاج سائله ذوبي جلاتين و ضيفي معاه و تحطين شويه من الكريما على طبقة البسكويت في الكاسات و بعدين تحطين شويه فراوله مقطعه و تردين تحطين شويه كريما وتدخلينه الثلاجه لين ماتتماتسك عندج الكريما وبعدين تطلعينها من الثلاجه و تحطين عليها الجلي و تدخلينها الثلاجه عشان يجمد الجلي و بعدين تزينين الكاسات بالقلوب الفراولة .
ملاحظة :تقدرين تحطين قلوب الفراولة على سطح الكريما و تصبين الجلي عليه تصير القلوب داخل الجلي بس انه حطيته فوق الجلي و انتي و ابداعج:)
يله انطر ردودكم الحلوه ألي مثلكم و هذي :26:مني لكم