كاسره خاطري بنتي يومين ماشربت حليب

السلام عليكم
بنتي عمرها سنه وشهرين متعبتني مرره في النوم يعني تبي ترضع طوول الليل اذا نامت ماتبي في سريرها تبي على كتفي او في حضني وانا جالسه :44:وفوق هذا وزنها ينقص اخر مره 8 كيلو ولا تاكل الا مره خفيف من فتره افكر افطمها اقول يمكن يكون الوضع افضل وانا من امس مارضعتها والحين كل شوي وتبكي للعلم ماتشرب صناعي المهم حاولت معاها البارحه بصعووبه انها تنام وكل شوي وتجلس تبي ترضع وانا اهدا فيها الى الصبع سويت لها عصير برتقال وشربت ونامت واليوم نفس الشي كل شوي وتبكي حاولت تشرب حليب في الرضاعه ماتبي يعني من امس ماشربت حليب واليوم جربت معاها حليب ابو قوس بالفانيلا شربت شوي بعدين ظلت تلعب فيه بنتي معوره قلبي لكن احس ان كلما طولت في الرضاعه الطبيعيه رح تتعلق اكثر ورح اواجه نفس الصعوبه اذا ماكان اكثر سؤالي شنو اعمل لبنتي خايفه عليها ماتشرب حليب كيف اخليها تتقبل ؟ هل يكفي الحليب العادي مثل المراعي الي فيه مزاز ؟ بصراحه بنات كل شوي وانا اضعف وافكر اني ارضعها لكن اقاوم لانها فعلا متعبتني متعلقه كثير بصدري لدرجة انها ماتخليني انام وعندي مسؤوليات ثانيه :( واذا حاولت اني افطمها بالتدريج مارح تتقبل ولارح تنسى صدري لانها ماتشرب صناعي وبالذات الليل كل ساعه تقريبا تبي ترضع واحيانا ترضع لاكثر من ساعه :(شنو الحل هل الي سويته صح ؟؟ كاسره خاطري :44: