مساء الخير بنات
بنات بقولكم السالفه وهذا الموضوع كتبته ابي منكم تدعون لسلفتي بتفريج همها وان يردىله زوجها ردا جميلا
( قبل فتره كنا طالعين لاحد المنتزهات انا وسلفتي وخوات زوجي ثنتين والي مودينا اخو زوجي وكنا نتمشى حنا يالبنات..وحنا نمشي جت وحده وطلبت من اخت زوجي الجوال تبي تكلم اهلها المهم عطتها تكلم وقفلت وقعدت تشكرها وتسولف معها وقالت تعالو لفرشتنا عند امي وخالاتي نسولف وكذا حنا عيينا قلنا تعالي انتي وجت معنا لفرشتنا وقعدت تسولف تسولف وتضحك ومرره حبيناها سوالفها حلوه واجتماعيه وخذت ارقامنا..وجتنا بالبيت عند اهل زوجي وصارت تسال عن حماي عن حياته وكذا وتحتك بزوجته واخو زوجي مرره مهتم فيها يقول تبون اوديكم لها باي وقت عادي وطلعنا مع بعض اكثر من مره....
بعد فتره اخت زوجي لقت بجوال اخوها صور البنت ذي ومحادثات بينهم وتقوله زوجتك وع مب زينه ..وخواتك عسل ومدري وش
( طلع هو يعرفها من سنه ونص ويبي يتزوجها وهو متفق معها انها تطلب الجوال وتتعرف على خواته وهو تعرف على خوانها لما كان يودينا نزورها...اخت زوجي دقت تبكي تقول شفتي وشسوى اخوي.....بنات كاسره خاطري سلفتي....قبل كم يوم تشكي من زوجها تقول ينام بالمجلس وساحب علي
وتقول اخت زوجي قاعده اذكر كلام البنت تقول تنحديني اسكن معكم بالبيت.. اخت زوجي تقول توني استوعب كلمتها
حسبي الله ونعم الوكيل
( طبعا اخت زوجي حاكت اخوها واعترف قال هو ناوي يتزوجها بس بعد ماتولد فلانه يقصد زوجته'....( قمه الدناءه)
يلزم عليك تسجيل الدخول أولًا لكتابة تعليق.
دلع نوتي
•
حسبي الله ونعم الوكيل فيه الحقير المفروض اخواته يحطون حد لهذي المهزله حرام يضلمون بنت الناس وحامل بعد يااحياتي هي الله يصبرها يااارب مافيه رجال ابد
ياعمري كسرت خاطري .
حسبي الله عليه وعليها دام يبون بعضً ليه تزوج المسكينه وش ذنبها ؟
وفوقً ذا حامل ياويلهم من الله ..
حسبي الله ونعم الوكيل
حسبي الله عليه وعليها دام يبون بعضً ليه تزوج المسكينه وش ذنبها ؟
وفوقً ذا حامل ياويلهم من الله ..
حسبي الله ونعم الوكيل
الصفحة الأخيرة
معقوله
فيه ناس كذا
بهالخباثه هذي
ماقول الاالله ينتقم منها ومن اخو زوجك
وياخذ منهم حق الضعيفه زوجته الي ماتدري عن شي