كوبونات الراقية تسجيل الدخول

آذكــآر

آذكــآر @athkar_3

كبيرة محررات

كالسحر استجاب الله لدعائها ..تزوجت بعد 36 عام

الأسرة والمجتمع •


السلام عليكم ورحمـه الله وبركاته

اخباركم..بخيــر...

حبيت اقولكم هاذي القصه
عشان اغلبكم اليائس والمتحطم والمكسور والمتضايق من العنوسه
وان فاته القطـار وان الله مارزقه بالذريه


هاذي وحده مثل كل البنات درست واشتغلت شغله زينـه ولهت معها
لين صار عمرها 34 المهم تقدم لها واحد اكبر منها بسنتين وافقوا مبدئيا
وانخطبت البنت والحمدلله...وبعد كذا
اخذ منها صوره البطاقه الشخصيه عشان الاجرئات وراح ..
دقت ام المعرس وقالت للبنت ابي اشوفك الحين وهي معصبه

البنت خافت وقابلت ام المعرس ،قامت الام طلعت بطاقه الشخصيه حقت البنت اللي خذاها ولدها

وقالت لها تاريخ ميلادك الموجود بذي البطاقه صحيح ..قالت ايه صحيح
قالت اجل عمرك الحين بيطق الاربعيــن...قالت وهي مقصره صوتها عمري 34
قالت مايهمني البنت بعد الثلاثين تقل خصوبتها وانا ابي اشوف عيال ولدي
ومابي اشوف ولدي يدور وياك على المستشفيات والمستوصفات عشان ماارح تنجبين
إلا بعد الفرفره ..

والبنت جتها غصه من كلام الام...وعرفت ان الام راح تخرب كل شئ
وبالفعل ماهدت ام المعرس إلا لين فصخت الخطبه وجت البنت صدمـه كبيــره..
بس المعرس يبيها ووعد البنت انه راح يكلم امه ..وجلسو على ذا الحال سنه يكلمون بعض بالخفاء
على امل انهم يرجعون لبعض ..

البنت سلمكم الله تعبت من الوضع هذا وقالت راح اقطع علاقتي بالرجل
وبالفعل اقطعت علاقتها به ومر سته اشهـر وهي ماتكلمه...وهو راح في حال سبيله


وبعد كذا جاتها فرصه سفـر لمكه فرحت وقالت خليني اروح ادعي الله واغسل احزاني
وراحت لمكه وجلست تبكي وتدعي ربي ان الله يسر امرها ويفرجها عليها


وفي يوم راحت فيه للحرم سمعت حرمه تقرء بصوت جميل وتردد آيه ويوم سمعتها جلست تبكي البنت
متاثره بالايه ، والايه من سوره الضحى(ولسوف يعطيك ربك فترضى) قامت الحرمه تسال البنت تقول وش فيك
تبكي قام البنت قالت لها كل السالفه وقالت لها الحرمه انت الان في عسر الذي سوف يليه يســر
وجلسو يسولفون شوي بعدين راحت البنت للفندق...


وجاء وقت الرحيل لمدينتها ركبت الطياره وجلس جنبها رجال :35:>>المفروض ماتجلس جنبه صح
الزبده وصلو لديرتهم وكل واحد رجع لبيته...توها واصله تغير ملابسها إلا وتدق عليها صديقتها وتسلم وقالت لها
فيه صديق زوجي يدور على بنت وهو من اسره معروفه المهم البنت قالت لبوها وابوها وافق مبدئيا
ويوم راحت تشوفه صار نفس الرجال اللي كان جنبها في الطياره :35:المهم بعد شهر ونص إلا وهم معرسين


تو القصه مانتهت بقاء ...بعدين تاخر عليها الحمل ...قالت لرجلها خلينا نروج نسوي تحاليل ورفض
وهي قالت إلا لازم...قال خلاص، وراحوا ..ميـر يوم راحوا يكشفون قالوا لهم ماله داعي تحاليل
انت الحين حـامــل...وتشققت من الفرحه الغامره
عاد رجلها يبي يسافر للحج وقالت رجلي على رجلك وعيا قال انتي حامل المهم انها عيت إلا تروح


وراحو للحج..ودعو الله ..وبعد كم شهر راح تكشف وزوجها عرف اللي في بطنها بس ماعلمها
عشان ماتتوتر اعصابها ...

وبعد تسعه اشهر جاء موعد الولاده ...وولــدت ودخل عليها الطبيب قالها وش ودك تجيبين
قالت تمنيت من الله مولود مايهم ايش جنسه ولد ولا بنت
قال لها وش رايك انك جبتي ولدين وبنت..طبعا ماستوعبت ونفجرت في حاله هستيريه ضحك وبكاء
..سبحان الله يعني جابت عيالها دفعه واحده...

وانتهت قصه الحرمـه

هاذي رساله لكل من تاخر بها الزواج او تاخر بها الانجاب
لاتياسوا من رحمه الله ...

ــــــــ
يارب يوفقكم ويرزقكم ويسبغ عليكم النعم
ويزوجكم ازواج صالحيــن ويرزقكم الذريه الصالحه

بنات دعواتكم ربي يحقق مرادي...


ـــــــــــــــــ

قال الغزالي :

إذا رأيت الله يحبس عنك الدنيا ويكثر عليك الشدائد والبلوى ..

فاعلم أنك عزيز عنده .. وأنك عنده بمكان ..

وأنه يسلك بك طريق أوليائه وأصفيائه .. وأنه .. يراك ..

أما تسمع قوله تعالى .. (( واصبر لحكم ربك فإنك بأعيننا )) …
ــــــــــــــــ
الله ماابكانا إلا ليضحكنا
وما احزننا إلا ليفرحنا

ياخواتي اللي اهي الان في عسـر تصبر ولاتجزع عشان ربي يفرجها عليها ويعطيها اكثر مماتتمنى
ربي عليم بنا يعلم مافي الصدور وعالم باحوالنا ..
ـــــــــــــــــــــ
195
45K

يلزم عليك تسجيل الدخول أولًا لكتابة تعليق.

تسجيل دخول

اللجينة الحرة
اللجينة الحرة •
جزاج الله خير على هالسرد وبارك الله فيك

عسى ري يفرج هم كل مسلم مكروب
آذكــآر
آذكــآر •
اللجينه جزاك الله خيــر على مرورك الجميل

ــــــــــــــــ
اللهم لك الحمد...ولك الشكر ..

ررد معي
سبحان الله وبحمده سبحان الله العظيم
لاحول ولاقوه إلا بالله العلي العظيم
استغفر الله العظيم واتوب إليه
اللهم لك الحمد اللهم لك الشكر استغفرك يارب واتوب إليك
يـارب يحقق حلمي واحلامكم عاجل غير اجل
ويرزقنا الفردوس الاعلى


ررد معي
سبحان الله وبحمده سبحان الله العظيم
لاحول ولاقوه إلا بالله العلي العظيم
استغفر الله العظيم واتوب إليه
أحاسيس شاهقة
أحاسيس شاهقة •
أن الله يمهل ولا يهمل
أبلة الوعي
أبلة الوعي •
الله أكبر
ولسوف يعطيك ربك فترضي
يارب أعطاني من رزقك ونعيمك
اللهم لك الحمد حتي ترضي ولك الحمد اذا رضيت ولك الحمد بعد الرضي
بارك الله فيك والله يحقق لك مرادك وأنا تيسيري
: رنيم :
: رنيم : •
انا قاريه هالقصه بالتفصيل .. وفعلا اثرت فيني ..
والله يوفقها والبنت من جنسيه عربيه ..