حبيبتي الله يعينك أولا وثانيا حتي لو كااان بايع بيعيه بس لا تسكتين عن حقك انتي بعمر الزهور 24 سنه وبكره لو طلقك الناس بتنهش فيك بس انتي لا تسكتين قبل لا يطلق قولي لاهله ولاهلك عن سوالفه وقولي لهم عندي حتي رقم البنت واذا اطر الامر وشفتيه بيجحد او بيستنذل بلغي عليه الهيئه خليك قوووويه وعرفيه مو انت يالي يناكل حقك وتنظلمين وتسكتين عيبنا احنا الحريم الخوف والتردد بس لو انا منك زي مابينهي حياتي وانا توني ببدايه امومتي والمفروض أكون اسعد انسانه بالدنيا انغص عليه حياته وحده بوحده هذا رايي واتمني ماتتجاهلينه علي الأقل بكره الناس يعرفون سبب طلاقك انه زوجك انسان حقير وأبو بنات ومكلم بنت ولما صدتيه طلقك

زوجك وانت اعرف به هو جاد والا جالس يهدد بس؟ لو يبي يطلق كان طلق مو جالس كل شويه يأجل بعد ماتولدين وبعد الأربعين
ماقلتي كيف كانت حياتك مع زوجك قبل لاتكتشفين رسائله ومكالمته هل كنتي سعيده ؟ هل هذي أول مره تمسكين عليه رسائل ومكالمات ؟ ممكن تكون نزوة او غلطه هل فيه مجال يتعدل ؟
من الرسائل اللي شفتيها ايش نهايه هذي المعرفة ؟ زواج والا حب وكلام فاضي بس؟
حددي موقفك من الشيء اللي عرفتيه
هل الموضوع قابل للصلح بمعنى نزوة عابره وتنتهي؟
أو انت شايفه ان الوضع منتهي ومافيه مجال يتعدل حطي اهلك في الصورة ابوك او احد اخوانك يتفاهم معاه
لكن لاتخلي هذا الموضوع كل اهتمامك انت نفاس محتاجه اهتمام وراحه محتاجه تحسين بأول لحظات الامومه دللي نفسك عيشي لنفسك الزمن تغير الرجل صار جزء مو كل .

ليتك م واجهتيه لكن قدر الله وماشاء فعل
حملي الواتس وشغليه وسولفي مع صديقاتك وكملي حياتك ولو موقفه دراستك كمليها حتى لو رجعتي له شهادتك ووظيفتك سلاحك بهالزمن ومشي امورك بنفسك


ولاتخافين الدنيا تدور وبتوقف عنده بيوم وبتكونين انتي خصمه وقتها


الان انصحك بالدعاء وقولي ي رب ان كان ناوي بي طلاق عشان هالبنت ولعبها معه ي رب رده لي حسيرا كسير
واستغفري كثير وانبسطي بظناك وارفضي اي جيه له او اي اتصال لاتعطينه وجه ولاتعبرينه واقهريه لاجاك
واذا عندك وقت مره فراغ ادخلي منتديات اقري قصص غيرك وتعلمي منها واستفيدي من مكر الزوجات لاجل حياتهم تدوم مع ازواجهم


ولو حصل وكلمتيه يوم من الايام انتبهي تجيبين طاري البنت كنها م صار بيوم وخانك وكلمها ولو نبش وقال قولي من جدك اقسم بالله لو بس احس انك تتكلم جد اني لااعلمك وش يكون موقفي اصلن انا عارفه انها مجرد فتره وتنتهي والى م رديت عليك ... حسييه بكلامك انك واثقه ومو اي وحده تهزك ..


واطلبي من الله كل الي تبين
وانتبهي تكلمين البنت الحين انتي بمكالمتك تحسبينها رحمتك هي داخله عليك بحياتك عشان تاخذه وانتي بمكالمتك وضعفك لها وضحتي لها انو مالك كلام عليه وخليتها تاكل قلبه اكثر انتبهي تدقين عليها ابد مره ثانيه


الله يلطف بحالك ويسر بالك وينولك مرادك وينصرك ع كل من فيه شر

يعني بيطلقك عشان وحده يكلمها! !!!


انا استبعد انه ممكن يطلقك عشانها هو الان يضيع الوقت عشان ياخذ راحته معاها وماتكونين فوق راسه واذا مل منها بيرجعك


ولا لوكان بيطلق ليش ماطلق من الاول بحرتها

انسيه وانشغلي بطفلك،وشغلي قران عشان تهدا اعصابك واذكري الله خصوصاً حسبي الله ونعم الوكيل وبيكفيك الله همك لا تخافين الله ارحم بك من امك