كانت الطبينه مشكله لاكنها طلعت معالجه

الصراحه طفشني قاعد يدور لي على اي مدخل بس عشان يتزوج علي
وفعلا تزوج علي
وانا في ذيك اللحظه انتبهت ليه تزوج علي
استسلمت للامر الواقع
وخليته على هواه
طبعا تزوج ( من جنسية ..... )وهي مو ذاك الجمال بالرغم انه يحب ا لجمال
رسمت لنفسي طريق جديد وقلت لازم امشي فيه غصب علي
رحت السوق واخذت اشكال والوان من الملابس الشياكه الناعمه(مجموعه كبيره)
وحده كتبت عن مجموعه فكتوريا للجسم ..رحت واخذتها من الصيدليه(حلوه مره)
واخذت مكياج جديد ارواج فاتحه وخاصه الوردي وتدرجاته
وياله شدي حيلك.....
كل يوم استحم واستخدم الصابونه المغربيه
وكريم وبخاخ فكتوريا
ومكياج ناااااااااااعم وحلو مع تكحيله العين
واحسن لبسه برمودا مع تي شيرت
وشعري احط باليل زيت وفي الصباح اغسله واستحم زين عشان افرده او اجعده وكل يوم كذا
بالاضافه الى....
كل ما قلي كلمه او امر
قلت ابشر ..من عيوني.. الله يحفظك.. الله معك...هذا غير اني يوميا اهتم بالبيت بالذات بالنور
مره نور ابيض ومره اصفر وووو
وغير الشموع الفواحه ام ريحه جنان
والحمدلله طبعي بارد واكتم كل شي في نفسي
وزوجته الجديده ما استمرت معه لانها عصبيه وغيووووووره مره
طلقها لانه قال ابي اعدل بينكم كل وحده لها ليلتها وهي رفضت وطلبت الطلاق
المهم في الموضوع انه لما اتزوجني قال لي :اخاف انك تتغيرين مع الزمن ومع خلفه العيال
قلت له حط في بطنك بطيخه صيفي انا ما راح اتغير
وعدت الايام وتغيرت من غير ما انتبه
وكان يحذرني من كل شي لبسك عطرك
وانا كنت اهتم بشكلي بس مو مره عادي
بس الحين لاحظت الفرق بين شكلي سابقا والحين
رجعت احسن من اول
صار زوجي مبسوط مني حيل
كانت الزوجه الثانيه تنبيه لي
وراحت وكنت انا المستفيده تنورت وكنت استفيد من عالم حواء خاصه البشره والشعر والعطوووووووووووور
المهم في هذي السالفه
اني صرت تمام بس مشكلتي ان زوجي يقول لي انتي ما تعرفين تسوين مثلها
( قصده اللي جنسيتها ....... )في الجماع احترت معه
لو سويت مثلها حسب ما يقول ..بعدين يقول لي انتي تقلدينها
ومشكلتي الثانيه
اني ما اعرف ارقص وهو يحب الوحده ترقص له
ابي طريقه تريحه مو يضحك علي
ودي اتعلم ارقص خليجي زين وافاجاه وانا داخله عليه في الغرفه برقصه حلوه وبسيطه بحيث انه ما يحس اني متصنعه الرقصه
والي عندها حل تقول لي بسرعه


الرجاء عدم ذكر جنسيات وهذا من قوانين المنتدى عدم التعرض لأي جنسية ...

المشرفة