ماشاء الله حلمتي بالرسول ياليت تقولنا حلمك بالضبط :) وبالنسبه للفتور هذا من الشيطان واصلي وكملي تذكري حلم الرسول وتنشطين من جديد يكفيك فخر ان الرسول جاك في المنام

حبيبــــــــــــــــتي

كلنــــا كذا وانا واحده نفسك بالضبط كأنك تتكلمين عني

هذي إسمها فترة إسمها فترة الفتور بالعباده إعتبريها فترة الاختبار وبتعدي انتي اهم شي عليك

بالصبــــــــــر ثم الصبر صم الصبر

ثم الشكر ثم الشكر ثم الشكر كلما جاتك اشكري الله قولي انا اصلي وغير مايصلون

انا مسلمه وغيري كفار .. والهدايه عليك ياربي وعلي المجاهده

يعني لاجتك هذي الحاله وحسيتي بالضعف الايماني واعصابك تعبانه ومالك رغبه لابصلاه ولاقران ولا اي موضوع يخص الدين ونفسك تهفك على الذنوب والمعاصي أوصيك بإنك تقللين من الطاعات لاتضغطين على نفسك بالاكثار والتطويل .. لا .. سوي اللي تقدرين عليه وقد طاقتك المهم حاولي تصلينها بهدوء ولاتستعجلين قد ماتقدرين

يعني تصلين اربع ركعات الظهر بهدوء تصير نفسيتك احسن ماتصلين 12 ركعه طايره

في فترة الفتور حاولي ترفهين عن نفسك باشياء مباحه .. العاب جوال العاب كمبيوتر .. تصفحي مواقع الخلفيات والثيمات والاشياء الممتعه والاشياء المباحه فقط فقط فقط

حاولي تسووين اشغال البيت رتبي نظفي اي شي المهم تقطعين هذي الفتره باشياء مباحه ولو انك ماتستكثرين من الطاعات ماعليه

حاولي تقرين سير السلف الصالح وهذا علاج فعال .. او تسمعين قصص الانبياء .. مثل قذذ الدكتور طارق السويدان

او اي قصص عن الخواتيم الحسنه والسيئه المهم لاتسمعين الا قصص واشياء ترقق القلب فقط

الشي المهم ان هالفتره تمتاز بانخفاض للقاع للايمان بالقلب فعليك انك ترفعينه

ترفعينه بأي عمل خيري تقدرين

روحي للمكتبه واشتري كتب ووزعيها بالمساجد او المستشفيات اذا رحتي يعني لاتتعنين

صممي بالبيت صور اوتواقيع اسلاميه او وسائط وانشريها على الشبكه

اكتبي رسايل دينيه وارسليها للي تعرفين .. صلي بأي مسجد ورتبي قسم النساء ونظميه .. وزعي كتب على جيرانك

سوي اي شي مهما كان بسيط والله العظيم يعطيك شعور ممتاز

وفترة الفتور تستمر كم يوم وتروح ويرجع بعدها الايمان اقوى واقوى واقوى

اهم شي احذرك بفترة الفتور تتصلين اوتزورين الناس اللي متهاونين بالدين اذا كنتي تعرفين ناس كذا انتبهي
لاتروحين لهم اوتتعاطين معهم بفترة الفتور لانهم راح ينكسون فيك

وبعد انتي ذاك الوقت حالتك النفسيه تعبانه ومن اي كلمه بتعصبين ثم تغتابين وتخربينها ويجيك احباط بانك منتي قادره تستمرين بطريق الصلاح

عن تجربه

حبيبتي انا زيك بالضبط من 3 سنين وفيها الحمد لله ربي كتب لي توبه .. واصابتني حالات فتور وتراجعت كم مره وحست ودست
بس في كل مرة كنت ارجع للاغاني او انحرف كنت اتوب وارجع لربي

الحين ابشرك لو أقول لك عن انجازاتي والشوط اللي قطعته بتفرحين لي وكله من فضل ربي

والفتور صار يروح ويجي على خفيف لكن ببداية توبتي كان شديد جداااا وكنت ماقدر اتحمله

لكن كل مايمر الزمن يخف بفضل من ربي اللي وفقني للصبر

وربي سبحانه يقول ( والذين جاهدوا فينا لنهدينهم سبلنا ) وهذا هو جهادا لنفس اللي نسويه حنا الحين

ويقول جل في علاه (أحسب الناس أن يتركوا ان يقولوا آمنا وهم لايفتنون. ولقد فتنا اللذين من قبلهم فليعلمن الله
الذين صدقوا وليعلمن الكاذبين )

أوصيك وصية اخت ماتعرفك بالصبر .. وان سويتي معصيه توبي بعدها

وكرري التوبه .. وجدديها

وادعي بوقت لين القلب ورقته وتضرعي بالدعاء ولاتتباطين الاجابه

هذي فترة الصبر وضبط النفس وهذي فترة الاختبار من يصبر ويتماسك ومن يرتد وينتكس عند الهزات

واصبري وصابري .. هذا اذا كنت صادقه مع ربي . اما ان كنتي غير صادقه فانك مع الفتور بتتركين طريق الدين والهدايه

وتملين منا لصبر والمجاهده



اللهم اهد اختي الغاليه وردها اليك ردا جميلا .. اللهم خذ بناصيتها اليك أخذ الكرام عليك .. اللهم أرزقها عيش السعاده واجعلها ممن كتبت لهم الحسنى وزياده .. اللهم حبب اليها الايمان وزينه في قلبها وكره اليها الكفر والفسوق والعصيان واجعلها من الراشدين

ربنا لاتزغ قلبها بعد اذ هديتها وهب لها من لدنك رحمة انك انت الوهاب


الله يوفقك ويجمعني بك اخوات على سرر متقابلين .. والملتقى الجنه بإذن الله ولانرضى باقل من الفردوس بإذن الواحد الاحد

انسي هالفتور

وتعوذي من الشيطان

وخليك مثل قبل واحسن

الله يثبتنا وايكي

اختي الفاضله تعوذي من الشيطان واكثري من الاستغفار
الله يجعلك من اهل الجنه