منجو :

موضوع حلو شوفي حبيبتي بتكلم عن نفسي مايمكن أبتغير على أحد و بعتمد معه أسلوب جديد إلا إذا تشبعت من تصرفاته الغير لائقه ولي مافيها ذوق و إحترام لي .... و إذا كان مايعاملني بالمثل و إذا يتعمد إهانتي و ذلي أو أي تصرف يضايقني هنا أغير أسلوووووبي معه بدون تردد نهااااااائي ! :biggrin: و هذا إلي حصل فاجئت ناس كثير بتغير أسلوبي و صارت لي هيبه و قيمه و قدر وحتى لو ما كان لي قدر المهم إنه محد يتجرأ و يتصرف تصرفات نص كم ! بذكر لك تجارب مريت فيها بحياتي تألمت منها بس تعلمت و لله الحمد ... :redface: أول تجاربي كانت مع آهل زوجي كنت أعاملهم بحب و إحترام و كنت معطائه و حاولت أتقرب منهم كثير رغم مزاجيتهم بالتعامل معي بعدها خلاص طقت كبدي لين متى أطالع خواطرهم و أداري عليها و كنهم بيدخلوني الجنه !! من كذاااااا موقف تعرضت له حسيت قد أيش آنا تافهه و أهنت نفسي كثير بعدها تغيررررررت بدون إحم ولا دستور وصار عندي تبلدددد قاتل يعني يرضون يزعلون يقاطعون ما يعطون وجه ما عااااااااد يحركون شعره من راسي تقديم الولاء الزايد بطلته تماما و صرت ثقيله و لي يكلمني أكلمه ولي يهديني أهديه و لي يعزني أعزه و بسسسسسس لا زياده و لا نقصان :biggrin: و تفاجئت بإنهم صارو أقلهاااااااا يحترمون وجودي و ذب الكلام ألي ماله داعي بطلوه لإنه طلع لي لسااااان وماصرت أفوت أي إهانه ! سلفاتي برضو كان تعاملي معهن رااااقي ومن لاحظت حركات من تحت لتحت و الخبث الغير طبيعي عااااد ذولي قطعتهن تماما يالله يالله بالمناسبات نتراسل و مو أنا إلي أبدأ لا طبعا إلي ما ترسلي تهنئه أسحب عليها :biggrin: حاولو يرجعون العلاقات بس ماعطيتهم فرررصه خلاص عافهن خاطري و أرتحت مع الرسميه البحتتتتتتته .... زوجة أخوي بصراحه إنسانه طيبه وفحالها بس أنا إلي دايم أتصل و أبادر و أسأل عنها ومن لاحظت إنها مرررسمه الوضع خلاص بطلت إن سمعت إنها تعبت أو عيالها تعبو أتصل أتطمن فقط .... أمي و خواتي عاااااد ذولي صدمة عمرررري كنت كتاب مفتوح وكل أبو شي أقوله لهم ولا فكرت فيووووم إنه بيتغير حالنا و بنصير رسميين شي مؤلم و محزن :( بس هم إلي بدو باللعب معي !!!! ولي يلعب معي لعب ماله داعي يتحمل النتايج لإني وقت الكرامه ما أفكر بمين من كان ! كوني الكبيره حزت بخاطري تصرفااااتهم :( مثلا آنا لو بسافر أقولهم قبل بشهر و لا عندي مشكله لا وبعد أرسلهم تفاصيل يومياتي من زود الموانه ! أيام ما كنت حامل كنت أقولهم نوع الجنين و لا أخبي عنهم و أتفاجئ فيهم مخبرين بعض بنوع الجنين إذا حملن و أنا لااااااااااا !! يصرفوني إذا سألت إنهم مايدرون يبونه مفاجئه وكنت على نيتي أصدق لين إكتشفت بالصدفه إنهم مخبرين بعض و أنا صافطيني كني غريبه ! وحده منهم لا بغت تسافر تخبرني قبل بيوم !! والبقيه مايخبرون أبد ولا أدري عنهم و أمي معهم تمارس هالغموض الكريه معي !!! ليشششس الله أعلم ولي يقهر وضعنا مثل بعض محد أحسن من أحد وكلنا شايفين خيررررر بس ليش هذا إلي مو قادره أستووووووعبه ! و إختي من فتره سوت بنتها عمليه وبس تتصل تستشيرني وش تسوي كون عندي خبره و موسعه صدري للأخر و أرد على إستفسارتها برحابة صدر وكل شوي أسأل عن البنت وبعدها أراسلها إنه أنا وعيالي تعبانين ما كلفت نفسها بس تقول الحمدلله على سلامتكم !!!!!!!!! و تصرفات كثيره تغث لو بذكرها ماراح أخلص تعبت من بلع الصدمات ! تعبت من العبره إلي تخنق حلقي خنق تعبت من الغمووووض الغير طبيعي بعدها قررت أضمهم للشبيبه إلي سحبت على أم جابتهم وهذا إلي حاااااصل مايدرون عني بشي وسويت نفس سلوكياتهم و هالشي ماتوقعوه و حاولو يلطفون الجو بس أنا خلاااااااص مليت تأخرووووو كثير !!!!!!!!! مليت و أنا أبعرف وشوله هالحركات إلي مالها سنع ولا أحد يجاوبني !!! ألحين يوم تغيرت بترجعون الأمور لوضعها الطبيعي مرررره صعبه ! كتبت لك قصة حياتي بس بصراااااحه ما ينفع مع الناس غير ترسيم العلاقه أرسمها مع إلي يرسمها معي ولي ما جاني منه شي لايمكن أتغير عليه !

موضوع حلو شوفي حبيبتي بتكلم عن نفسي مايمكن أبتغير على أحد و بعتمد معه أسلوب جديد إلا إذا...