شخصيتي قووووويه ولساني على قوله امي يلوط اذاني لكن بالحق
ومع الناس الوقحة الي ماتثمن كلامها ماكنت كذا لاني تربيت ببيت هادي
لكن مع الزوج والحياة صرت اقوا واشررس وكلن يعملي الف حساب
القوة هي الثقه بالنفس دامك على حق ماعليك من احد والذكااء له دور بالشخصيه
لاتدخلين نفسك بامور ماتعني لك
الصراخ هو الضعف لاتلجأين له بدا
خليك هادية وردك قووي للي مايستحي وعينك بعييينة
رفعي نفسك عن توافه الامور لاتسبين احد من وراه عند اي شخص بالذات اهل الزوج
لاتخلي احد يمسك زله
ولاتقارنين حياتك بغيرك ولابفلانة اوتقلدين احد
غلطتي اعترفي بخطاك ماتعرفين شي قولي مااعرف
بعض الحريم تسوي نفسها تعررف كل شي وهي ماتدري
وين ربي حاطها بس لحتى مايقال ماتعرف وخير ياطير اذا ماعرفت ؟
خليك مبتسمة ودودة صااامتة لاتودين اخبار ولاتجيبين
لاتدورين رضى الناس على حساب نفسك ولاتركضين تكرفين لهم
اعطي بحدوود زي ماهماا يعطونك

نسيت اوضح شغله مهممة لازم تكونين سريعه بديهه لحتى تردي بوقتها
كلامي وردي مع الناس الوقحة فقط والي تلغز بالحكي
الناس الطيبة لاابدا اعطيهم على قد طيبيتهم

انا شخصيتي ضعيفة وما اعرف ارد بس عندي اخت مشاء الله لا قوة الا بالله شخصيتها قوية وكان اي احد يغلط عليها توقفة عند حدها وكانت دايم حرب هي ومرت اخوي لنها الله يسامحها تغلط علينا كثير وكنت اقولها اتركهيا حسابها عند ربها وكانت تقول لا من امن العقوبة اساء الادب فعلن معها حق الحين كلن يعمل لها حساب قوة الشخصية مهمة جدا وتنفعك الله يرزقنا قوة الشخصية 💪

أنا ماأعرف أرد على أحد
بعد ماأرجع البيت انقهر أقول لو كان قلت كذا وكذا
ماعندي سرعة رد بنفس اللحظة ولا قدرت أقوي نفسي
ماغير اوزع ابتسامات خخخخخخخخخ

انا كنت اسكت مو خوف او عدم ثقه بالنفس
كنت استحى والحياء ماينفع مع اللي مايستحي منك
المهم جلست سنين اخذ ع راسي من الكلام الجارح
ومع ميييييين مع اخت زوجي
يعني اشكرها من قلبي انها كانت سبب
في تغيير طبعي درجه وحده عليها
والان ماتتناقش معي باساليبها المعروفه
تلمح طوووول الجلسه بالحمل بس انا ارد واقول
الله يرزقني ويرزقك ولا انتي خلاص ماتبين تحملي؟؟؟
المصيبه انها فقدت الامل بالحمل
لكن تكرهني وتغااااار مني
والله لو احكي لكم كلامها لي تنصدمون
مدري كيف كنت ابتسم لها اذا قهرتني وهي تزيد
كنت صابره عليها وعلى اذاها
تخيلو شبه يومي تسمعني دق كلام جارررح
واكون بس انا وهي جالسات وانا
ع النيه ابتسم مابغا تشوف الزعل
بس هي خبيثه تزيد تعبتني نفسيااا
كلما احاول اسامحها بنفسي
تجي اليوم الثاني بكلام اكثر قساوه
يوم طلبتني اطلب الطلاق😳 وهذا والعله
بالمحروس وتقول تدور له عروس
وهي متزوجه قبلي لكن امنيتي
ان تذوق مرارة كلامها لي
بالتنفيذ ماقالته لي
من اهل زوجها قريباااا
ياااااارب

معليش انفعلت بس كلما اتذكر سكوتي
لها اتمنى امسك شوشتها اقوى شي