كان زوجي من اصحاب الصفر

أنا قعدت مع زوجي تسع سنوات كل ماسو تحليل يطلع صفر وسوى تفتيش بمركز ذريه ونفس النتيجة وبعدين استمر ع العسل وخلطاته والدعاء والصدقه واستمر على خلطه مكونه من كيلو عسل سدر
40 جرام نبات عاقر قرحا (عود القرح)
30 جرام طلع نخل
30 جرام حبوب لقاح
10 جرام غذاء ملكات
10 جرام جنس نج
تدمج المقادير كلها في العسل بعد التقليب الجيد للخلطة يؤخذ منها معلقه كبيره وتضاف الى كوب ماء او حليب ويشرب مره صباحا ومره مساء
بعدها كانت المفاجأة سوى تحليل لقو حيوان منوي واحد بغينيا نموت من الفرحة وهذي اول مره نحلل عند الحبيب في الرياض صار لنا عشر سنوات وشوي وعطوه زوجي علاجات وراح عند الدكتور سعيد قطان قال عندك دوالي وسوى له عمليه بعدها لفتره صار عندنا امل بالأنابيب سوسنا اكثر من مره تفشل والحمد لله ع كل حال وين كنا وين صرنا وبعدين جهزوني للحقن المجهري وأخذوا من زوجي خزعه والحمد لله كانت ممتازه حتى انهم جمدوا الباقي من الحيوانات لانها كانت ممتازه
والحمد لله وبعد عدة محاولات ومعاناة سويتا حقن عند بقنه وحملت بس للأسف أجهضت بعد شهر ونص قالوا كيس فاضي ياه يابنات لما دخلت قسم الولادة ما تخيلت ادخله وسحب الدكتور المشيمه يعني كانه ولاده وسوى بعدها تنضيفات هذا الكلام كان باخر شهر واحد بداية ثنين والحمد لله ع كل حال بس أمي حيل فرحانه تقول وانا اسمع الدكتور يتكلم بالمشيمه ماني مصدقه وخواتي قبل لا اسقط يقولون وأخيرا حسبنا انك أنثى ياه الحين كملنا هدعش سنه ودخلنا 12 سنه الأمل صار يزيد بس العمر يمضي أنا كملت 34 ودخلت 35 وهذا اللي مخوفني بنات أدعو لي تعبت نفسيتي للمشكله أني بعيده عن أهلي لو كانوا بنفس المدينه كان هانت أنا حاسه بالوحدة والطفش صرت افكر بانفصال وأبي أعيش عند أهلي بنفس المدينه لان زوجي رافض ينقل هناك احس مالي مستقبل به المدينه اللي أنا فيها الحين بس للمشكله أني احب زوجي وهو يحبني ومتفاهمين لأبعد الحدود واحس ماليه زيه بالدنيا كل الصفات الحلوه فيه وسيم كريم حنون غني بنات يسوي ادعوا لي بكر ر الحقن بشهر سبعه الجاي والله الموفق