كان عمري ٢٨ والكل كان اخ بس

مساء الخير
يوم كنت في بداية العشرينات ما كنت انخطب ابدا ولا حتى بالغلط فقلت معليش إذا تخرجت يحلها الله وتخرجت ولا احد فكر فيني لما بلغت ٢٨ بدت الوقود لي لكن معدين او عندهم كوكش اطفال كنت والكل يقول ترى انت كبيره والشباب ما يبون الا البنات الصغار لحد ما تعقدت ما اذكر تقدم لي شاب الا واحد عمره ٥٠ وجت امي تشاورني عليه قلت اوكيه قالت بس انه عاطل عن العمل قلت كيف اعيش معه قالت إن حرمة خالك الي تقول عادي أهل الخير ما يقصرون معه تخيلو وايضا تقدم لي ولد جيراننا أصغر مني بسنتين قالت امي انه منفصل بدون اطفال قلت عادي بس بعدها امه توفت الله يرحمها بس صراحه فرحت صحيح ما تم الموضوع بس على الاقل احد شاب مش معدد ولا معيل فكر فيني ثم بعد مده عرفت انه مريض نفسي قلت عشان كذا فكرو فيني اذكر وحده قالت لي وانا توي داخله سن ٣٠ انصحك خذي واحد عياله كبار شايلين أنفسهم افضل لك من واحد عنده اطفال يبهذلونك قلت يا اختي ترى الله قادر على انه يجيب لي واحد ما معه زوجه ولا عيال سواء اطفال او كبار انا ترى مو كبيره لهذه الدرجه العمر قدامي المشكله اني شكلي يعطي كني أصغر من عمري بعشر سنوات الان انا عمري في أواخر الثلاثينات وعندي بنت وولد الله يحفظهم بس افكر في وضغي قبل ١١ سنه يعني مو مده طويله ولا كنت ذاك الوقت في عصر امي وجدتي او العصر الحجري يعني مقهوره من ذيك النظره حتى اذكر وحده قالت لأمي اذا خطبها احد لا تخبروه عن عمرها انه ٢٧ او ٢٨ اخاف ينحاش الان ماشاء الله تبارك اشوف البنات في سن الثلاثينات مستحيل احد يقهرهم في ها الشي