كان عندك عيب بجسمك وتخلصتي منه !

السلام عليكم
كيفكم صبايا
ابي ابشركم اولا اني حامل ولله الحمد ( الله يرزق كل من تتمنى )
ومن الحين وانا افكر باهتمامي بنفسي بعد الولاده وكيف اني ابي ارجع فله شمعه منوره لان جدددد الوضع زاد عن حده ولازم اشوف لعمري حل
اللي هو جسمي ،،،، ومشاكله وعيوبه اللي بهذلتني
بقولكم كل المشاكل وتكفون اللي تغلبت على احدى المشاكل او لقت لها حل لاتبخل
لان مابي اضيع وقتي وفلوسي وجهدي بعد ما اولد على خلطات وطررق مامنها فايده ولا نتيجة ولا جدوووووى
ومتأكده هالموضوع لابد بيستفيدددد منه غيري كثيرررر
لان اغلب المشاكل اللي يعانون منها الحريم موجوده فيني 😁
١) الخطوط البيضاء الله ياخذها مسويه لوحه فنيه بافخاذي 😓 اللي لقت لها حل تقول
٢ ) ابي اشد افخاذي واوخر الخفسه ( العضله النائمة - غمازات الارداف )اللي مخربه ابو شكلي حتى اي وحد اشوفها فيها احزن عليها لانها تخرب جمال الجسم بالذات مع الفساتين الماسكه اللي جربت تمرين معين وفادها تسدحه
٣ ) سمار جسمي وهاذا يهون جنب الخطوط السوداء اللي ببطني من نصه ومن اسفله حتى من قبل الحمل
٤) سيقاني اللي اتفشل احد يشوفها فيها زي الكلف مدري كيف اوصفه من غير الاثار القديمة والمشخوخ والنقاط السوداء بختصار خاليه من الانوثه زوجي لو يشيل شعر سيقانه تطلع تلق لق جنب ساقي
5(المنطقه السوداء او المظلمه ماراح اسميها الحساسه يابنات جربت اكثر من ٥ خلطات مع الاستمرار لين تخلص ومكانك سررر مافيه فايده ولا واحد بالميه حسبي الله من غير سواد بين الافخاذ واذا فيه شي يشد المنطقه ويرجع شكلها زي البنت خير وبركه ماعاد نبي بياض
وبس ياصبايا قلتلكم كل العلوم الزينه بجسمي ولو احل واحده من هالمشاكل جذريا راح اكون مبسوطه وواثقه من نفسي اكثر الله يسعدكم اذكرو لنا تجاربكم ولكم دعوااااات في ظهر الغيب ويعلم الله اني ابي اتجمل لزوجي واعف عيونه وقلبه