كان عندي فراغات جوانب مقدمة رأسي واختفت بأربع ايام !

السلام عليكم انا دائماً ابحث عن أشياء مفيدة للشعر والبشرة ولولا الله ثم البنات اللي ينزلون تجاربهم ماكان عرفتها من سنوات وانا اجرب ولكن الروتين اللي اعتمدته خياااال لشعري ومثل مافادوني قلت خليني زي العسولات اللي اذا استفادو من شي فادو غيرهم ...


أيام الجامعه كان الكل يتكلم بسوء شعري وانه ياحرام خفيف وفيه فراغات وانا لسى بنت ... تخرجت وحلقته ماكينه بوي على أساس ابدا عناية صادقة بعد فترة قصيره تزوجت ... وزادت رغبتي في اني اطوله


المهم جربت حنا كان مفيد من ناحية اللمعه والنعومة
جربت زيت جوز الهند نفس السي نعومة فقط
جربت يدر على اساس يكثر الشعر ولكن شعري مايحبه يخربلي شعري
امنت بالله واستمريت على عود عويدي وزيت حوز الهند ومحلب ويطول شعري لكن مامن كثافة وفراغات مقدمة شعري


قبل ايام الجامعه كان يدقر عند كتوفي لاني من الاساس ماهتم فيه
ولكن الحين صارلي سنتين ونص من قصيته ووصل لحد الستيانه لأول مرة من ٨ سنوات!!!
بس اليومين اللي راحوا لاحظت مقدمة شعري بيبي هير كثيف ماشاء الله تبارك الله ماشوف الفراغات ابد !!!
الشي اللي سويته هو اني اكلت حديد وحمض فوليك وصرت اشرب شمندر وبرتقال وسبانخ وجرجير بالخلاط والوقت اللي اكل فيه فيتاميناتي وعصيري هذا احرص اني ماشرب قبله او بعده كافيين عشان جسمي يمتص فوايده ١٠٠٪؜ ..
ماينصحون المشروب يوميا بس انا عجله اشربه كل يوم
وكمان منقوع اكليل الجبل سويت في موية مغليه ع النار فنجان حبة بركة وشوي عود عويدي واغصان اكليل جبل طازج وورق غار تركته تنقع يوم كامل وحطيتها في بخاخ وادخل الحمام اخذ شاور لجسمي بدون شعري وارش ع شعري من هذا المنقوع اخر مرة غسلت شعري بشامبو كان يوم السبت واليوم دخلنا بالثلاثاء ومدري اذا لقيته مو مزيت مارح اغسله بشامبو وارش المنقوع ع شعري


شعري حرفياً نظيف مافيه قطره زيت لان العود عويدي معروف ينظف وينسف الشعر .. ومبهوره بمقدمة شعري فرق ملحوووظ مره مره مره الفراغات افتش بين البيبي هير ماشاء الله مالقاها مو باينه بالمرة
وصرت اظفر شعري قبل النوم عشان مايتقطع
وطول اليوم لامته بربطة اول احب اخليه مفتوح
الله يعين زوجي معد فيه كشخه ولا استشوار لين يجي العيد ههههه
واللي تستفيد تدعيلي بالذرية الصالحة واني احمل قريب وجزاكن الله الف خير 🤍