كان عندي كيسين حمل ؟؟؟ وسمعت نبض واحد بس ...

اهلين حبيباتي ... مساالخير ... ياليت تقبلوني معكم .... وبقولكم قصتي ...

انا حامل وكملت شهرين ... الله يحفظ جنيني ويتمم لي علي خير ..قولوا امين ..
بس فيه شي محيرني والحمد لله علي كل شي .. من بدايه حملي وانا احس بتعب غير عن حملي بولدي وببنتي وكسل وخمول وغثيان .. انا الحمد لله في عيالي مااتوحم بس نوووم ...
وعجزت اتحمل التعب ورحت الدكتوره في رمضان وكنت في نهايه الاسبوع السادس وسويت سوناااار .... الدكتور اول ماشافت الاشعه تجلست تذكر الله وتقول ماشاءالله دول توام انا بشوف كيسين حمل ...
( كنت اخذه كلوميد عندي ضعف لمده شهرين بس وقفته شهر سبعه وحملت بشهر ثمانيه ولله الحمد..) بس قالت لسي مافيه نبض وعطتني مثبت وحمض فوليك وقالت تعالي بعد اربع ايام عشان نشوف النبض الكلام كان يوم الخميس في الليل ... وجيت الثلاثاءالظهر ..(طبعا صايمه وكانت المثانه فاضيه )..طبعا شافت واحد بس وسمعت نبضه وسالتني اذا نزل معاي دم والا شي طبعا الحمد لله مااانزل معاي شي قالت يمكن عشان المثانه فاضيه ...
ضاق صدري عشان الثاني والحمد لله ... قالت تعالي بعد شهر .. انا عجزت اصبر يوم 27 رحت مستشفي الحبيب ببريده وسويت اشعه داخليه ( مهبليه) وكانت المثانه فاضيه بعد ... ماادري سبحان الله من اروح اسوي اشعه اشرب ماااء ويتاخر دوري واضطر اروح الحمام تكرمون ومااطلع الا ينادون علي... طلع بس واحد وقالت عمره 7اسابيع و5ايام .. كان بتاريخ 27/9 ورحت موعدي عند الدكتوره الجمعه 18/10 اللي فات وشافت واحد والحمد لله وتقول عمره شهرين .... وانا اللي محيرني؟؟؟
معقول يتحلل الكيس باربع ايام ؟؟
اخصائيه الاشعه بالحبيب تقول عمره 7اسابيع و5ايام يعني يوم الجمعه قبل مااروح الدكتوره حسبته لي 11اسبوع يعني مخلصه اسبوعين من الشهر الثالث.. وتقول عمره شهرين كنت مستعجله ولاناقشت الدكتوره ولا حتي شافت تقرير الاشعه حقت الحبيب
وبطني يابنات كاني بالرابع ومحتاره مين اصدق .. احساسي اللي يقوول احتمال توام .. والا الاشعه
الحمد لله من قبل ومن بعد ....طولت عليكم بس من جد ضايق صدري ومحتاره وانا معلمه في قريه اتردد 120 كيلو واحس بتعب
ياليت اللي مرت بالحاله تساعدني وتطمني وانا راضيه بقضاء الله بس تعلق قلبي في التوام.... انا غيرت الدكتوره ماارتحت لها لانه بس مستعجله بالاشعه ولاتكمل دقيقه ولي موعد بعد اسبوعين عند اخصائيه
المشكله انه باحلامي اشوف اني اخذ شيئين واحد باين والثاني مخفي لكن انه موجووود ولايوضح بالحلم وهذا اللي محيرني بزيااااده ......؟؟؟؟