هذه ثاني مشاركه لي بعد غيبه طوييييييييله
ولما سويت الغداء لأهلي اليوم قلت خليني اصور واوريكم طبختي المتواضعه :27:
ورحت يا حلوين جلست ادور ادور بالمطبخ ولقيت انواع الخضار قلت حلو هذه بدايه حلوه ولقيت كسكسي قلت يا سلام كملت وبديت بالطبخ :cook:
اولا قطعت الخضار قطع متوسطة الحجم قرع _وكوسا _ وبطاطس _وجزر _وفلفل رومي _ باذنجان _والبصل شرايح _والطماطم
ثانيا حطيت الخضار كلها بالقدر مع شوية زيت والبهارات الي حطيتها مو مطحونه بهارات صحيحه عشان ما حبيت انه الخضار تتغير لونها ....وبعدين نبدأ نحرك نحرك حتى تطلع ريحة الخضار والبهارات ونغمرها بالماء ونتركها تستوي على راحتها
ثالثا انا استعملت 4 كاسات كسكسي ناعم وغسلته بالمويه شويه وغمرته بمويه دافيه وتركته طبعا هو راح يتشرب المويه بسرعه وجبت قدر البخار وحطيت الكسكسي عليه ونتركه يستوي على البخار لمدة 10 دقائق بعدين وهو بالقدر نحط عليه رشة زيت وملح طبعا في ناس يحطون سمنه او زبده لكن انا فضلت الزيت وحطيت ملعقتين صغيره كركم عشان اللون بس ويعطيه طعم حلو ونبدأ نحرك نحرك حتى ما يتكتل معاكي ونغطي عليه ونخليه كمان 5_10 دقايق
رابعا بعد ما تستوي الخضار ولازم يكون فيها شويه من المرقه يعني حوالي مغرفتين او زبديتين ونغرف الكسكسي
ونرص الخضار بالوسط بطريقه تبين كل انواع الخضار الي انتي حاطتها بعد ما تنتهي من الخضار نرش من المرقه على
الخضار والكسكسي وبكذا نكون انتهينا من الطبخه الحلوه ونصيحه مني جربوها وراح تعجبكم باذن الله
ملاحظه: انا لقيت عندي سمك فيليه قطعته وسويت فيه اختراع وانصحكم تجربونه لذييييييييييييذ من حلاوته زينته مع الكسكسي :o
يله طولت عليكم الهرج ودوختكم شوفوا الصوره واعطوني رأيكم
دمتم بخــــــير
شكله يشهي