كان همهم كبير لكن الله فرج عنهم تعالو اقروا قصتهم

السلام عليكم ورحمة الله وبركاته

مين كان عندها هم كبير كبير كبير وماكانت تتوقعه بيوم من الأيام بينتهي

وفرج ربي عليها همها بفضل دعاء أو صدقة أو عمل صالح

ياليت تحكونا تجاربكم

بإنتظاركم


انقل لكم بعض الردود .....

انا انا اشهد بالله العظيم
ان ابوي كان بالانعاش وقالوا لنا تحت رحمة الله لكني ما يأست
لساني لا يتوقف وانا الهج بالدعاء لووالدي دموعي لم تتوقف
يوميا بعد اماطلع للزياره من عنده اتصدق يوميا ماانقطعت
واطلب من الي اعطيه اقوله قول يارب يطيب بابا ومساكين
يقولون وانا اتوسل ومر شهر على هالحال ودخل اليأس
بقلوب الجميع وقالوا ابوي مات سريريا
انا قلت لا لا الله مابيخيب ظني ولا بيضيع دعائي وبكائي هدر كنت ارفع
يدي للسما وماانزلها الا اذا تعبت وابكي واصارخ ياربي لا تأخذ روح ابوي
خليه يتنفس مثل ماانا اتنفس اغسل كليته وخليها انظف من كليتي
يارب يارب يارب
والله يا بنات ان شهر صفر الي راح مااكره الاشهر على قلبي بكل حياتي
كنت اموت كل يوم حزنا على ابوي ماكنت احس بطعم اى شئ
ابوي حبيبي بغى يضيع من ايدينا لوما الدعاء والتوسل لله والتوكل
ماكان صحى لان الدكتور قال واحد بالميه يعيش لانه كبير في السن
وجته جرثومه بالرئتين وخرموا ظهره مسكين وخرموا بلعومه وخدروه
شهر يعني خلااااااااااااص الي يشوفه يقول مافي امل
لكن سبحان الله وارني فيه عجائب قدرته
يحي العظام وهي رميم
يخرج الحي من الميت والميت من الحي
رجع ابوي شوي شوي وبعد عناء شهور وصار حليو هالايام قام يمشي
مثل قبل ويتحرك والحمدلله عايشين تحت ظله ادعوله بطولة العمر

---------------------------------------------

انا امي وابوي ميتين وكان اخوي جايب لنا البلا
ويوم سمعنا في الرادو انه من لزم الاستغفار ربي يفرج عنه الهم
والحمد لله تزوجتا انا و اختي في ليله وحده وارتحنامنهم
الحمد لله

------------------------------------------

الله المستعان من قبل ومن بعد
اناا مرره كنت في هم عظيم وكرب لايعلمه الا الله وانا وزوجي
وماباليد حيلة الا فرجاا من رب السماء
وكنت ادعوا دعااء الكرب اللهم اني عبدك ابن عبدك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي وغمي

ونمت يوم بعد الظهر وارى رؤيه مفسره نفسها وهي اشراقت يوم عيد الاضحي وتكبيرات الاحرام استقيظت بفضل من ربي منشرحة الصدر
اطير من الفرح وماهي الايوم وفك الله كربي وابدله الله خيرا كثيرا
بطريقة لاتخطر في بالي
ولا بالحلم لكن ان امره عز وجل ان اراد شيئا ان يقول له كن فيكووون ،،
اللهم ياحي ياقيوم فك كرب المكروبين واقضي دين المدينين وشفي مرضى المسلمين

---------------------------------------------------------

الا قولي كنت في مصيبه مايعلمها الا الله وهم كبير
لكن الحمدلله بمنه وكرمه استمريت وكثفت الدعاء اخر الليل
مع قيام الليل داومت على الاستغفار الاذكار داومت عليها في الصباح والمساء
صلاة الضحى والله ما تتخيلون كيف تلاشت المصيبه في اقل من اسبوعين
والحمدلله يستاهل الحمد مازلت مستمره فقط لشكره والثناء عليه
من جد راحة البال من المصايب والهمووم هذي بحد ذاتها نعمه كبيره

---------------------------------------------------

مرة سنه وسنتين

وصرت داخله بالثالثه

ومارزقت بالذريه

وكنت احس بهم ما يعلمه الا الله


سمعت بالتلفزيون للشيخ عايض القرني

في استغلال شهر رمضان بالدعاء

رحت توضيت وصليت ودعيت الله في السجود بتذلل وخشوع وبكاء ان يرزقني الذريه

الحمدالله استجيبت دعوتي بعد رمضان مباشره

الحمدالله لك يارب عدد خلقك وزنة عرشك ومداد كلماتك

الحمدالله حتى ترضى يارب


---------------------------------------------------




أنا طحت في مصيبه تشيب الراس الله لا يجعلك تذوقينها لا انتي ولا غيررررك
مرت شهووور وانا في هم مايعلمه الا ربي واستنى اليوم اللي يطيح علي العقااااب من اصحاب المشكله
تخيلي انك تعرفين انك راح تتعاقبين اشد انواع العقاب من الضرب والحبس وممكن الموووت

بس ماتدرين اي يوم ...

يعني عشت اسوووء ايام حياتي الله لا يعيدها من ايام ...
وجا هذاك اليوم اللي ربي قدر انه يطيح العقاب وتنكشف الحقيقه
بس رحمة ربي وستره لي ان محد عرف :icon3 3: مع انه كان يوم محسوووم لي خلاص

طول الفتره اللي فاتت كنت اصلي صلاة الليل واتحرى اوقات الاجابه وادعي من كل قلبي واعلنت توبتي ولازمت الاستغفااااار
ولا تنسين اوقات اجابة الدعااااء بين الاذان والاقامه صلاة الضحى ضلاة الليل صيام الاثنين والخميس والدعاااء قبل الفطووور
واهم شي اليقين التام بأن الله معك وخلي عندك حسن الظن بالله ... عشان ربي يكون عند حسن ظنك ...





والشي الثاني اخوي صار له حااادث قووووي مره مره ودخل غيبوبه وصار له كسور بالراس وتشوهات واشياااء توقعنا ماراح يعيش بس بالصدقه اللهم لك الحمد بعد الله ....

في اتم عافيه اللحين الله يحفظه ويخليه ...

-------------------------------------------------------------

انا بنتى دخلت في غيبوبه وبس اسال الدكتور في امل تصحى ولا خلاص وكنت في حزن وهم والدكتور ساكت ما يرد المهم اخذت اقرب سجاده واتجهت الى رب رحيم وصليت ودعيت من قلبى ورحت شفتها لقيتها في العنايه المركزة وممنوع الدخول فزاد همى ورجعت ودعيت وحاولت بشتى الطرق اشوفها دقايق فقط شفتها يدها تحرك ذهلت وفرحت لانها على قيد الحياة واستجاب الله وردها لى وعافاها

---------------------------------------------------------
بشهر رجب وشعبان اللي راحومريضه ماره تعباانه من كم شيء
..حتى اروح لمواعيدي املي بربي ثم يعطوني علاج يسكن الامي .. بس مالقو علتي وش هي ..حتى الحين مااحب اتذكر هالشيء والتعب..
حزينه مهموووووووومه مادري من ايش حال حال مايعلمه الا ربي..

لجئت الى ربي دعيت خاصة اخر الليل واستغفر واسبح وعلى الرغم من الالام والحزن بداخلي كنت متفائله
واتصدق وكنت اكرر حسبي الله لااله الاهو عليه توكلت وهو رب العرش العظيم.. وافوض امري الى الله ان الله بصير بالعباد
لااله الاانت سبحانك اني كنت من الظالمين .. ان لله وانا اليه راجعون. ربي مسني الضر وانت ارحم الراحمين..
حافظت على اذكار الصباح والمساء والنوم..
سبحان الله بفتره يمكن اسبوعين او اقل تحسنت ..

اسال الله ان يشفينا الشفاء التام..

فرج الله همك وهم المهومين

الجئي لربي ومايخيبك

--------------------------------------------------------------
الحمد لله أولا وأخرا بفضل الدعاء والاستغفار رزقت بولدين بعد إن خرجت من عند الدكتور وقالي مافيه أمل أنك تحملين وزواج زوجي بعد ذلك طلبن للعيال فكنت بهم لايعلمه ألا ربي فبالدعاء والتضرع بين يدي رب العباد بعد زواج زوجي بشهور قليلة فقط حملت فرزقت بعيالي فلله الحمد والمنه على ما نعم علي به أسال الله يصلح لي ماعطن من غيرحول مني ولاقوة

----------------------------------------------------------------------


كل من قرأ هذي الصفحه دعووووووواتكم لي كل ماجيت تدعون لانفسكم بالشفاء التام العاجل:

ربما دعوه من احدكم وانا لا اعلم فرج الله لي وفرح قلبي <اسرع الدعاء اجابه دعوه لاخيك بظهر الغيب>>...:smheart: الموضوع منقول