كان ودي اكمل بس ما قدرت !!!!

الله يدبر لك الصواب

اشوف لو رتبتي وقتك ومشيتي على نظام محدد بيسهل عليك
المطبخ معروف يوميا او هو اللي فيه الشغل علطول ومكان معيشتكم
وباقي الغرف اللي ماتدخلونها علطول امرها سهل قفليها ونظفيها كل فتره

وامسكي كل يوم شغله لاتسوين كل الشغل مره وحده
كذا بتتعبين ومارح يوضح مجهودك
وخلي شغلك وقت دوام زوجك والافضل اشوف الصبح لأن الرسول عليه السلام دعى
اللهم بارك لأمتي في بكورها ..

وقبل النوم سبحي الله 33 واحمدي الله33 وكبري الله 34

وربك يعين ...



وكل شئ راجع لك .

لا اله الا الله ..

الله يسهل امرك يارب

انا مثلك مترددة بس كل ما افكر وحدة بتجي وماراح اخذ راحتي لا بالروحة ولا بالدخلة ارفض الفكرة
بالتنظيم كل شئ يصير سهل

اول شئ جيبي خدامة باليوم خليها تنظف البيت ككل
وبعدها جيب غسالة مواعين و نشافة رتبي وقتك ولا تشتغلين الا 3ساعات
ساعة تنظيف وتريب عادي
ساعة تنظيف عميق او كوي
ساعة تحضير الغداء والفطور والعشاء
مثلا الصبح بعد الصلاة اذ فيه وقت او قبل الصلاة قومي صلي ركعتين وادعي ربي يسهل لك
ابدئ بسلتين سلة لزبالة وحدة ووحدةلاغراض الغرفة الثانية
رتبي وثمن نظفي ع السريع وانتي مبتسمة
نظفي الحمامات المستخدمة بشكل يومي واذ فيه وقت مري ع الحمامات اللي بالاسبوع كل يومين وحدة طبعا قفلي غرف الضيوف والغرف الغير مستخدمة ونظيفها كل اسبوع يوم الاﻻبعاء
الساعة الثانية
طبقتها واختصرت من وقتي كثيرررر
وانا احضر العشاء احضر الفطور والغداء
يعني اسوي العشاء مثلا شاورما اكثر من الدجاج واسلق الرز
واسوي مثلا معها صينية خضار بالدجاج حق الشاورما
واغرف الزيتون والجبن والمربى بصحون واغلفها و بصينية مع فنجال الشاهي وادخلها الثلاجة
وادخل الغداء بالثلاجة وان فيه وقت جهزت كريمة اوحلا سريع
يعني خلصت الوجبات الثلاثة بوقت واحد كل ما علي شئ بسيط تزين الشاهي والحليب وتسخين الغداء
الساعة الثالثة العميق
حددي لك وقت مناسب وامسكي فيها غرفة واشتغلي فيها ساعة
اذ خلصت وقفي وكملي بكرا
او ساعة خصصيها للكوي الملابس اللي محتاجة كوي بعد ما تخرجي الملابس من النشافة

اولادك خليهم بغرفة فيها العاب وبشرط ما تخرج الالعاب من الغرفة وان خرجت شيلها عقاب لهم وخليك صارمة
خصصي كل اسبوع هدية للي يسمع الكلام ويحرص ع تنظيف وتنظيم اغراضه نوعي مثلا يختار مطعم تتغدون فيه او مكان تروح كلكم ع اختياره
او هدية رمزية او مبلغ من المال انتي شوفي اللي يحب
وبنفس الوقت انتي احرصي ع ترتيب البيت اول باول وعودي اولادك
لو شفتي الصالة مهيب مرتبة قولي باسوي مسابقة بينكم مين يرتب اسرع
او تبغون بابا يدخل والبيت مو مرتب يالله نرتبه بسرعة قبل يجي

ملابس المدرسة او الخرجة
جهزيها قبل بالليل نظمع الجزمة والشتنطة

جيبي خدامه وريحي نفسك الدنيا ماتسوى اللي مثلك عنده ثنتين بعد مو وحده
لما كنا صغار كانت امي جايبه ثنتين للبيت عشان تتفرغ لنا ولتربيتنا ومذاكرتنا الله يعطيها الصحه ويجزاها خير